יהוה סלעי ומצודתי ומפלטי אלי צורי אחסה בו מגני וקרן ישעי משגבי׃

אתה סתר לי מצר תצרני רני פלט תסובבני סלה׃

ותשועת צדיקים מיהוה מעוזם בעת צרה׃

למנצח לבני קרח על עלמות שיר אלהים לנו מחסה ועז עזרה בצרות נמצא מאד׃

אלהים בארמנותיה נודע למשגב׃

בטחו בו בכל עת עם שפכו לפניו לבבכם אלהים מחסה לנו סלה׃

ישב בסתר עליון בצל שדי יתלונן׃

אמר ליהוה מחסי ומצודתי אלהי אבטח בו׃

הביט ימין וראה ואין לי מכיר אבד מנוס ממני אין דורש לנפשי׃

מענה אלהי קדם ומתחת זרעת עולם ויגרש מפניך אויב ויאמר השמד׃

מגדל עז שם יהוה בו ירוץ צדיק ונשגב׃

וברא יהוה על כל מכון הר ציון ועל מקראה ענן יומם ועשן ונגה אש להבה לילה כי על כל כבוד חפה׃

וסכה תהיה לצל יומם מחרב ולמחסה ולמסתור מזרם וממטר׃

והיה למקדש ולאבן נגף ולצור מכשול לשני בתי ישראל לפח ולמוקש ליושב ירושלם׃

והיה איש כמחבא רוח וסתר זרם כפלגי מים בציון כצל סלע כבד בארץ עיפה׃

טוב יהוה למעוז ביום צרה וידע חסי בו׃

ירושלים ירושלים ההרגת את הנביאים והסקלת את הנשלחים אליה כמה פעמים חפצתי לקבץ את בניך כאשר תקבץ התרנגלת את אפרוחיה תחת כנפיה ואתם לא אביתם׃

למען על פי שני דברים בלתי משתנים אשר חלילה לאלהים לשקר בם יהיה לנו אשר נסנו עליו זרוז גדול לאחז בתקוה הנתונה לפנינו׃

למנצח מזמור לדוד יענך יהוה ביום צרה ישגבך שם אלהי יעקב׃

יהוה צבאות עמנו משגב לנו אלהי יעקב סלה׃

וקראני ביום צרה אחלצך ותכבדני׃

למנצח על ידיתון לאסף מזמור קולי אל אלהים ואצעקה קולי אל אלהים והאזין אלי׃

ביום צרתי אדני דרשתי ידי לילה נגרה ולא תפוג מאנה הנחם נפשי׃

הבה לנו עזרת מצר ושוא תשועת אדם׃