ברעתו ידחה רשע וחסה במותו צדיק׃

אוי לרשע רע כי גמול ידיו יעשה לו׃

לכן הרחיבה שאול נפשה ופערה פיה לבלי חק וירד הדרה והמונה ושאונה ועלז בה׃

ואז יאמר גם אל הנצבים לשמאלו לכו מעלי אתם הארורים אל אש עולם המוכנה לשטן ולמלאכיו׃

גר הייתי ולא אספתם אותי ערום ולא כסיתם אותי חולה ובמשמר ולא בקרתם אותי׃

אז יענה אתם לאמר אמן אמר אני לכם מה שלא עשיתם לאחד מן הצעירים האלה גם לי לא עשיתם׃

ועל בני המרי ואשר לא ישמעו לאמת כי אם לעולה שמעו חרון אף וחמה׃

צרה ומצוקה על כל נפש אדם עשה הרע על היהודי בראשונה וכן גם על היוני׃

ולכם הנלחצים רוחה אתנו יחד בהגלות האדון ישוע מן השמים עם מלאכי עזו׃

אשר ישאו משפט אבדן עולם מאת פני האדון ומהדר גאונו׃

וכל איש אשר לא נמצא כתוב בספר החיים השלך באגם האש׃

אבל רכי הלב ואשר אינם מאמינים והמגאלים והמרצחים והזנים והמכשפים ועבדי האלילים וכל המכזבים חלקם יהיה באגם הבער באש וגפרית אשר הוא המות השני׃

כל זאת באתנו ולא שכחנוך ולא שקרנו בבריתך׃

אם שכחנו שם אלהינו ונפרש כפינו לאל זר׃

בינו נא זאת שכחי אלוה פן אטרף ואין מציל׃

מהרו שכחו מעשיו לא חכו לעצתו׃

כן ארחות כל שכחי אל ותקות חנף תאבד׃

התשכח בתולה עדיה כלה קשריה ועמי שכחוני ימים אין מספר׃

קול על שפיים נשמע בכי תחנוני בני ישראל כי העוו את דרכם שכחו את יהוה אלהיהם׃

זה גורלך מנת מדיך מאתי נאם יהוה אשר שכחת אותי ותבטחי בשקר׃

כי שכחני עמי לשוא יקטרו ויכשלום בדרכיהם שבילי עולם ללכת נתיבות דרך לא סלולה׃

ופקדתי עליה את ימי הבעלים אשר תקטיר להם ותעד נזמה וחליתה ותלך אחרי מאהביה ואתי שכחה נאם יהוה׃