יהוה צבאות אשרי אדם בטח בך׃

אל אלהים יהוה אל אלהים יהוה הוא ידע וישראל הוא ידע אם במרד ואם במעל ביהוה אל תושיענו היום הזה׃

ועתה אל תתלוצצו פן יחזקו מוסריכם כי כלה ונחרצה שמעתי מאת אדני יהוה צבאות על כל הארץ׃

לך זרוע עם גבורה תעז ידך תרום ימינך׃

מי זה מלך הכבוד יהוה עזוז וגבור יהוה גבור מלחמה׃

גדול אדונינו ורב כח לתבונתו אין מספר׃

ולמה לא שמעת בקול יהוה ותעט אל השלל ותעש הרע בעיני יהוה׃

אם לכח אמיץ הנה ואם למשפט מי יועידני׃

ואל מי תדמיוני ואשוה יאמר קדוש׃

שאו מרום עיניכם וראו מי ברא אלה המוציא במספר צבאם לכלם בשם יקרא מרב אונים ואמיץ כח איש לא נעדר׃

אהה אדני יהוה הנה אתה עשית את השמים ואת הארץ בכחך הגדול ובזרעך הנטויה לא יפלא ממך כל דבר׃

ואל תביאנו לידי נסיון כי אם חלצנו מן הרע כי לך הממלכה והגבורה והתפארת לעולמי עולמים אמן׃

כי מי בשחק יערך ליהוה ידמה ליהוה בבני אלים׃

כל עצמותי תאמרנה יהוה מי כמוך מציל עני מחזק ממנו ועני ואביון מגזלו׃

וצדקתך אלהים עד מרום אשר עשית גדלות אלהים מי כמוך׃

כי לא כצורנו צורם ואיבינו פלילים׃

אין קדוש כיהוה כי אין בלתך ואין צור כאלהינו׃