יהוה אלהי צבאות מי כמוך חסין יה ואמונתך סביבותיך׃

רבות עשית אתה יהוה אלהי נפלאתיך ומחשבתיך אלינו אין ערך אליך אגידה ואדברה עצמו מספר׃

וצדקתך אלהים עד מרום אשר עשית גדלות אלהים מי כמוך׃

מי לי בשמים ועמך לא חפצתי בארץ׃

אין כמוך באלהים אדני ואין כמעשיך׃

מי כיהוה אלהינו המגביהי לשבת׃

מי כמכה באלם יהוה מי כמכה נאדר בקדש נורא תהלת עשה פלא׃

מאין כמוך יהוה גדול אתה וגדול שמך בגבורה׃

מזמור לדוד הבו ליהוה בני אלים הבו ליהוה כבוד ועז׃

למנצח משכיל לדוד בבוא דואג האדמי ויגד לשאול ויאמר לו בא דוד אל בית אחימלך מה תתהלל ברעה הגבור חסד אל כל היום׃