הנה טפחות נתתה ימי וחלדי כאין נגדך אך כל הבל כל אדם נצב סלה׃

אך בצלם יתהלך איש אך הבל יהמיון יצבר ולא ידע מי אספם׃

כמה ימי עבדך מתי תעשה ברדפי משפט׃

זכר כי רוח חיי לא תשוב עיני לראות טוב׃

וימי קלו מני רץ ברחו לא ראו טובה׃

חלפו עם אניות אבה כנשר יטוש עלי אכל׃

זכר נא כי כחמר עשיתני ואל עפר תשיבני׃

אדם להבל דמה ימיו כצל עובר׃

אדם ילוד אשה קצר ימים ושבע רגז׃

ולא תדעו מה ילד יום מחר כי מה חייכם עשן הם אשר נראה כמעט רגע ואחר כלה וילך׃