למנצח מזמור לדוד עד אנה יהוה תשכחני נצח עד אנה תסתיר את פניך ממני׃

עד אנה אשית עצות בנפשי יגון בלבבי יומם עד אנה ירום איבי עלי׃

עד מה יהוה תאנף לנצח תבער כמו אש קנאתך׃

הלעולם תאנף בנו תמשך אפך לדר ודר׃

שובה יהוה עד מתי והנחם על עבדיך׃

למה יהוה תעמד ברחוק תעלים לעתות בצרה׃

למה יהוה תזנח נפשי תסתיר פניך ממני׃

שמאול בעשתו ולא אחז יעטף ימין ולא אראה׃

וחכיתי ליהוה המסתיר פניו מבית יעקב וקויתי לו׃

אכן אתה אל מסתתר אלהי ישראל מושיע׃

אלך אשובה אל מקומי עד אשר יאשמו ובקשו פני בצר להם ישחרנני׃

בחוריו אכלה אש ובתולתיו לא הוללו׃

המלו ליהוה והסרו ערלות לבבכם איש יהודה וישבי ירושלם פן תצא כאש חמתי ובערה ואין מכבה מפני רע מעלליכם׃

בית דוד כה אמר יהוה דינו לבקר משפט והצילו גזול מיד עושק פן תצא כאש חמתי ובערה ואין מכבה מפני רע מעלליהם׃

באש להבה להשיב נקם לאשר לא ידעו את האלהים ולא שמעו לבשורת אדנינו ישוע המשיח׃

כי אלהינו אש אכלה הוא׃