Psaumes 44:9-26
9
אף זנחת ותכלימנו ולא תצא בצבאותינו׃
10
תשיבנו אחור מני צר ומשנאינו שסו למו׃
11
תתננו כצאן מאכל ובגוים זריתנו׃
12
תמכר עמך בלא הון ולא רבית במחיריהם׃
13
תשימנו חרפה לשכנינו לעג וקלס לסביבותינו׃
14
תשימנו משל בגוים מנוד ראש בל אמים׃
15
כל היום כלמתי נגדי ובשת פני כסתני׃
16
מקול מחרף ומגדף מפני אויב ומתנקם׃
17
כל זאת באתנו ולא שכחנוך ולא שקרנו בבריתך׃
18
לא נסוג אחור לבנו ותט אשרינו מני ארחך׃
19
כי דכיתנו במקום תנים ותכס עלינו בצלמות׃
20
אם שכחנו שם אלהינו ונפרש כפינו לאל זר׃
21
הלא אלהים יחקר זאת כי הוא ידע תעלמות לב׃
22
כי עליך הרגנו כל היום נחשבנו כצאן טבחה׃
23
עורה למה תישן אדני הקיצה אל תזנח לנצח׃
24
למה פניך תסתיר תשכח ענינו ולחצנו׃
25
כי שחה לעפר נפשנו דבקה לארץ בטננו׃
26
קומה עזרתה לנו ופדנו למען חסדך׃
Psaumes 60:1
למנצח על שושן עדות מכתם לדוד ללמד בהצותו את ארם נהרים ואת ארם צובה וישב יואב ויך את אדום בגיא מלח שנים עשר אלף אלהים זנחתנו פרצתנו אנפת תשובב לנו׃
Psaumes 60:10
הלא אתה אלהים זנחתנו ולא תצא אלהים בצבאותינו׃
Psaumes 77:7
הלעולמים יזנח אדני ולא יסיף לרצות עוד׃
1 Chroniques 28:9
ואתה שלמה בני דע את אלהי אביך ועבדהו בלב שלם ובנפש חפצה כי כל לבבות דורש יהוה וכל יצר מחשבות מבין אם תדרשנו ימצא לך ואם תעזבנו יזניחך לעד׃
Jérémie 12:1
צדיק אתה יהוה כי אריב אליך אך משפטים אדבר אותך מדוע דרך רשעים צלחה שלו כל בגדי בגד׃
Osée 9:17
ימאסם אלהי כי לא שמעו לו ויהיו נדדים בגוים׃
Psaumes 78:59
שמע אלהים ויתעבר וימאס מאד בישראל׃
Psaumes 106:40
ויחר אף יהוה בעמו ויתעב את נחלתו׃
Deutéronome 32:19
וירא יהוה וינאץ מכעס בניו ובנתיו׃
Lamentations 2:7
זנח אדני מזבחו נאר מקדשו הסגיר ביד אויב חומת ארמנותיה קול נתנו בבית יהוה כיום מועד׃
Zacharie 11:8
ואכחד את שלשת הרעים בירח אחד ותקצר נפשי בהם וגם נפשם בחלה בי׃
Psaumes 89:51
אשר חרפו אויביך יהוה אשר חרפו עקבות משיחך׃
Psaumes 84:9
מגננו ראה אלהים והבט פני משיחך׃
2 Samuel 1:21
הרי בגלבע אל טל ואל מטר עליכם ושדי תרומת כי שם נגעל מגן גבורים מגן שאול בלי משיח בשמן׃
2 Samuel 15:26
ואם כה יאמר לא חפצתי בך הנני יעשה לי כאשר טוב בעיניו׃
2 Chroniques 12:1-12
1
ויהי כהכין מלכות רחבעם וכחזקתו עזב את תורת יהוה וכל ישראל עמו׃
2
ויהי בשנה החמישית למלך רחבעם עלה שישק מלך מצרים על ירושלם כי מעלו ביהוה׃
3
באלף ומאתים רכב ובששים אלף פרשים ואין מספר לעם אשר באו עמו ממצרים לובים סכיים וכושים׃
4
וילכד את ערי המצרות אשר ליהודה ויבא עד ירושלם׃
5
ושמעיה הנביא בא אל רחבעם ושרי יהודה אשר נאספו אל ירושלם מפני שישק ויאמר להם כה אמר יהוה אתם עזבתם אתי ואף אני עזבתי אתכם ביד שישק׃
6
ויכנעו שרי ישראל והמלך ויאמרו צדיק יהוה׃
7
ובראות יהוה כי נכנעו היה דבר יהוה אל שמעיה לאמר נכנעו לא אשחיתם ונתתי להם כמעט לפליטה ולא תתך חמתי בירושלם ביד שישק׃
8
כי יהיו לו לעבדים וידעו עבודתי ועבודת ממלכות הארצות׃
9
ויעל שישק מלך מצרים על ירושלם ויקח את אצרות בית יהוה ואת אצרות בית המלך את הכל לקח ויקח את מגני הזהב אשר עשה שלמה׃
10
ויעש המלך רחבעם תחתיהם מגני נחשת והפקיד על יד שרי הרצים השמרים פתח בית המלך׃
11
ויהי מדי בוא המלך בית יהוה באו הרצים ונשאום והשבום אל תא הרצים׃
12
ובהכנעו שב ממנו אף יהוה ולא להשחית לכלה וגם ביהודה היה דברים טובים׃
Lamentations 4:20
רוח אפינו משיח יהוה נלכד בשחיתותם אשר אמרנו בצלו נחיה בגוים׃
Zacharie 13:7
חרב עורי על רעי ועל גבר עמיתי נאם יהוה צבאות הך את הרעה ותפוצין הצאן והשבתי ידי על הצערים׃