Psaumes 18:32-39
32
האל המאזרני חיל ויתן תמים דרכי׃
33
משוה רגלי כאילות ועל במתי יעמידני׃
34
מלמד ידי למלחמה ונחתה קשת נחושה זרועתי׃
35
ותתן לי מגן ישעך וימינך תסעדני וענותך תרבני׃
36
תרחיב צעדי תחתי ולא מעדו קרסלי׃
37
ארדוף אויבי ואשיגם ולא אשוב עד כלותם׃
38
אמחצם ולא יכלו קום יפלו תחת רגלי׃
39
ותאזרני חיל למלחמה תכריע קמי תחתי׃
Psaumes 80:15-17
15
וכנה אשר נטעה ימינך ועל בן אמצתה לך׃
16
שרפה באש כסוחה מגערת פניך יאבדו׃
17
תהי ידך על איש ימינך על בן אדם אמצת לך׃
2 Samuel 7:8-16
8
ועתה כה תאמר לעבדי לדוד כה אמר יהוה צבאות אני לקחתיך מן הנוה מאחר הצאן להיות נגיד על עמי על ישראל׃
9
ואהיה עמך בכל אשר הלכת ואכרתה את כל איביך מפניך ועשתי לך שם גדול כשם הגדלים אשר בארץ׃
10
ושמתי מקום לעמי לישראל ונטעתיו ושכן תחתיו ולא ירגז עוד ולא יסיפו בני עולה לענותו כאשר בראשונה׃
11
ולמן היום אשר צויתי שפטים על עמי ישראל והניחתי לך מכל איביך והגיד לך יהוה כי בית יעשה לך יהוה׃
12
כי ימלאו ימיך ושכבת את אבתיך והקימתי את זרעך אחריך אשר יצא ממעיך והכינתי את ממלכתו׃
13
הוא יבנה בית לשמי וכננתי את כסא ממלכתו עד עולם׃
14
אני אהיה לו לאב והוא יהיה לי לבן אשר בהעותו והכחתיו בשבט אנשים ובנגעי בני אדם׃
15
וחסדי לא יסור ממנו כאשר הסרתי מעם שאול אשר הסרתי מלפניך׃
16
ונאמן ביתך וממלכתך עד עולם לפניך כסאך יהיה נכון עד עולם׃
Esaïe 42:1
הן עבדי אתמך בו בחירי רצתה נפשי נתתי רוחי עליו משפט לגוים יוציא׃
Esaïe 49:8
כה אמר יהוה בעת רצון עניתיך וביום ישועה עזרתיך ואצרך ואתנך לברית עם להקים ארץ להנחיל נחלות שממות׃
Psaumes 89:13
לך זרוע עם גבורה תעז ידך תרום ימינך׃
Esaïe 41:10
אל תירא כי עמך אני אל תשתע כי אני אלהיך אמצתיך אף עזרתיך אף תמכתיך בימין צדקי׃
Ezechiel 30:24
וחזקתי את זרעות מלך בבל ונתתי את חרבי בידו ושברתי את זרעות פרעה ונאק נאקות חלל לפניו׃
Ezechiel 30:25
והחזקתי את זרעות מלך בבל וזרעות פרעה תפלנה וידעו כי אני יהוה בתתי חרבי ביד מלך בבל ונטה אותה אל ארץ מצרים׃
Zacharie 10:12
וגברתים ביהוה ובשמו יתהלכו נאם יהוה׃