יהוה עזי ומגני בו בטח לבי ונעזרתי ויעלז לבי ומשירי אהודנו׃

וממנו אתם במשיח ישוע אשר היה לנו לחכמה מאת האלהים ולצדקה ולקדוש ולפדיון׃

ויהי ככתוב המתהלל יתהלל ביהוה׃

ויאמר אלי די לך חסדי כי בחלשה תשלם גבורתי על כן שמח לבי להתהלל בחלשותי למען תשרה עלי גבורת המשיח׃

לכן רצתה נפשי בחלשות ובחרפות ובצרות וברדיפות ובמצוקות בעד המשיח כי כאשר חלשתי אז גבור אני׃

כל זאת אוכל בעזרת המשיח הנותן כח בקרבי׃

ואמונתי וחסדי עמו ובשמי תרום קרנו׃

וכל קרני רשעים אגדע תרוממנה קרנות צדיק׃

ותרם כראים קרני בלתי בשמן רענן׃

פזר נתן לאביונים צדקתו עמדת לעד קרנו תרום בכבוד׃

שם אצמיח קרן לדוד ערכתי נר למשיחי׃

וירם קרן לעמו תהלה לכל חסידיו לבני ישראל עם קרבו הללו יה׃

ותתפלל חנה ותאמר עלץ לבי ביהוה רמה קרני ביהוה רחב פי על אויבי כי שמחתי בישועתך׃

יהוה יחתו מריבו עלו בשמים ירעם יהוה ידין אפסי ארץ ויתן עז למלכו וירם קרן משיחו׃