כסאך אלהים עולם ועד שבט מישר שבט מלכותך׃

אהבת צדק ותשנא רשע על כן משחך אלהים אלהיך שמן ששון מחבריך׃

ענן וערפל סביביו צדק ומשפט מכון כסאו׃

ועז מלך משפט אהב אתה כוננת מישרים משפט וצדקה ביעקב אתה עשית׃

צדיק יהוה בכל דרכיו וחסיד בכל מעשיו׃

הצור תמים פעלו כי כל דרכיו משפט אל אמונה ואין עול צדיק וישר הוא׃

וישירו את שירת משה עבד אלהים ושירת השה לאמר גדולים מעשיך ונפלאים יהוה אלהים צבאות צדק ואמת דרכיך מלך הגוים׃

תועבת מלכים עשות רשע כי בצדקה יכון כסא׃

כי אמרתי עולם חסד יבנה שמים תכן אמונתך בהם׃

צדק לפניו יהלך וישם לדרך פעמיו׃

כי התורה נתנה ביד משה והחסד והאמת באו על ידי ישוע המשיח׃