ואהי נגוע כל היום ותוכחתי לבקרים׃

רוחי חבלה ימי נזעכו קברים לי׃

ימי עברו זמתי נתקו מורשי לבבי׃

אם אקוה שאול ביתי בחשך רפדתי יצועי׃

ואיה אפו תקותי ותקותי מי ישורנה׃

נבזה וחדל אישים איש מכאבות וידוע חלי וכמסתר פנים ממנו נבזה ולא חשבנהו׃

כמים נשפכתי והתפרדו כל עצמותי היה לבי כדונג נמס בתוך מעי׃

יבש כחרש כחי ולשוני מדבק מלקוחי ולעפר מות תשפתני׃

כי חצי שדי עמדי אשר חמתם שתה רוחי בעותי אלוה יערכוני׃

גם אני לא אחשך פי אדברה בצר רוחי אשיחה במר נפשי׃

כי אמרתי תנחמני ערשי ישא בשיחי משכבי׃

ותבחר מחנק נפשי מות מעצמותי׃

ויהוה חפץ דכאו החלי אם תשים אשם נפשו יראה זרע יאריך ימים וחפץ יהוה בידו יצלח׃

חרב עורי על רעי ועל גבר עמיתי נאם יהוה צבאות הך את הרעה ותפוצין הצאן והשבתי ידי על הצערים׃

ויבאו עליו חבלי מות ויוסף להתפלל בחזקה ותהי זעתו כנטפי דם ירדים לארץ׃