בצר לי אקרא יהוה ואל אלהי אשוע ישמע מהיכלו קולי ושועתי לפניו תבוא באזניו׃

דרשתי את יהוה וענני ומכל מגורותי הצילני׃

זה עני קרא ויהוה שמע ומכל צרותיו הושיעו׃

וקראני ביום צרה אחלצך ותכבדני׃

אני אל אלהים אקרא ויהוה יושיעני׃

פדה בשלום נפשי מקרב לי כי ברבים היו עמדי׃

למנצח על ידיתון לאסף מזמור קולי אל אלהים ואצעקה קולי אל אלהים והאזין אלי׃

ביום צרתי אדני דרשתי ידי לילה נגרה ולא תפוג מאנה הנחם נפשי׃

יקראני ואענהו עמו אנכי בצרה אחלצהו ואכבדהו׃

משכיל לדוד בהיותו במערה תפלה קולי אל יהוה אזעק קולי אל יהוה אתחנן׃

בהתעטף עלי רוחי ואתה ידעת נתיבתי בארח זו אהלך טמנו פח לי׃

יהוה בצר פקדוך צקון לחש מוסרך למו׃

קראתי שמך יהוה מבור תחתיות׃

קרבת ביום אקראך אמרת אל תירא׃

ויאמר קראתי מצרה לי אל יהוה ויענני מבטן שאול שועתי שמעת קולי׃

ויבאו עליו חבלי מות ויוסף להתפלל בחזקה ותהי זעתו כנטפי דם ירדים לארץ׃

אשר בימי היותו בבשר הקריב תפלות ותחנונים בצעקה גדולה ובדעות לפני מי שיכול להושיעו ממות ויעתר לו מפני יראתו׃