קומה יהוה באפך הנשא בעברות צוררי ועורה אלי משפט צוית׃

קומה עזרתה לנו ופדנו למען חסדך׃

לפני יהוה כי בא כי בא לשפט הארץ ישפט תבל בצדק ועמים באמונתו׃

אתה תקום תרחם ציון כי עת לחננה כי בא מועד׃

עורי עורי לבשי עז זרוע יהוה עורי כימי קדם דרות עולמים הלוא את היא המחצבת רהב מחוללת תנין׃

אבד חסיד מן הארץ וישר באדם אין כלם לדמים יארבו איש את אחיהו יצודו חרם׃

ואני ביהוה אצפה אוחילה לאלהי ישעי ישמעני אלהי׃

לכן חכו לי נאם יהוה ליום קומי לעד כי משפטי לאסף גוים לקבצי ממלכות לשפך עליהם זעמי כל חרון אפי כי באש קנאתי תאכל כל הארץ׃

שאל ממני ואתנה גוים נחלתך ואחזתך אפסי ארץ׃

כי ליהוה המלוכה ומשל בגוים׃

והמלאך השביעי תקע בשופר ויהי קלות גדולים בשמים ויאמרו הנה ממלכת העולם היתה לאדיניו ולמשיחו והוא ימלך לעולמי עולמים׃