היתה לי דמעתי לחם יומם ולילה באמר אלי כל היום איה אלהיך׃

ברצח בעצמותי חרפוני צוררי באמרם אלי כל היום איה אלהיך׃

למה יאמרו הגוים איה נא אלהיהם׃

בין האולם ולמזבח יבכו הכהנים משרתי יהוה ויאמרו חוסה יהוה על עמך ואל תתן נחלתך לחרפה למשל בם גוים למה יאמרו בעמים איה אלהיהם׃

ותרא איבתי ותכסה בושה האמרה אלי איו יהוה אלהיך עיני תראינה בה עתה תהיה למרמס כטיט חוצות׃

נודע יהוה משפט עשה בפעל כפיו נוקש רשע הגיון סלה׃

ויאמר אדם אך פרי לצדיק אך יש אלהים שפטים בארץ׃

יבשו ויבהלו עדי עד ויחפרו ויאבדו׃

וידעו כי אתה שמך יהוה לבדך עליון על כל הארץ׃

ולקחתי אתכם לי לעם והייתי לכם לאלהים וידעתם כי אני יהוה אלהיכם המוציא אתכם מתחת סבלות מצרים׃

וידעו מצרים כי אני יהוה בנטתי את ידי על מצרים והוצאתי את בני ישראל מתוכם׃

וקדשתי את שמי הגדול המחלל בגוים אשר חללתם בתוכם וידעו הגוים כי אני יהוה נאם אדני יהוה בהקדשי בכם לעיניהם׃

ונתתי את כבודי בגוים וראו כל הגוים את משפטי אשר עשיתי ואת ידי אשר שמתי בהם׃

וידעו בית ישראל כי אני יהוה אלהיהם מן היום ההוא והלאה׃

חמסי ושארי על בבל תאמר ישבת ציון ודמי אל ישבי כשדים תאמר ירושלם׃

רנו עליה השמים והשליחים הקדשים והנביאים כי שפט אלהים את משפטכם ממנה׃

אל תנקמו נקם ידידי כי אם תנו מקום לרגז כי כתוב לי נקם ושלם אמר יהוה׃