יהודה אתה יודוך אחיך ידך בערף איביך ישתחוו לך בני אביך׃

לא יסור שבט מיהודה ומחקק מבין רגליו עד כי יבא שילה ולו יקהת עמים׃

ותקראנה לו השכנות שם לאמר ילד בן לנעמי ותקראנה שמו עובד הוא אבי ישי אבי דוד׃

וחצרון הוליד את רם ורם הוליד את עמינדב׃

ושלמון הוליד את בעז ובעז הוליד את עובד׃

ויאמר יהוה אל שמואל עד מתי אתה מתאבל אל שאול ואני מאסתיו ממלך על ישראל מלא קרנך שמן ולך אשלחך אל ישי בית הלחמי כי ראיתי בבניו לי מלך׃

ואבחר בירושלם להיות שמי שם ואבחר בדויד להיות על עמי ישראל׃

אהב יהוה שערי ציון מכל משכנות יעקב׃

אם ישמרו בניך בריתי ועדתי זו אלמדם גם בניהם עדי עד ישבו לכסא לך׃

זאת מנוחתי עדי עד פה אשב כי אותיה׃