אתה הוא מלכי אלהים צוה ישועות יעקב׃

ועתה אם שמוע תשמעו בקלי ושמרתם את בריתי והייתם לי סגלה מכל העמים כי לי כל הארץ׃

ואתם תהיו לי ממלכת כהנים וגוי קדוש אלה הדברים אשר תדבר אל בני ישראל׃

לא הביט און ביעקב ולא ראה עמל בישראל יהוה אלהיו עמו ותרועת מלך בו׃

אל מוציאם ממצרים כתועפת ראם לו׃

כי יהוה שפטנו יהוה מחקקנו יהוה מלכנו הוא יושיענו׃

עזי וזמרת יה ויהי לי לישועה זה אלי ואנוהו אלהי אבי וארממנהו׃

מרכבת פרעה וחילו ירה בים ומבחר שלשיו טבעו בים סוף׃

ימינך יהוה נאדרי בכח ימינך יהוה תרעץ אויב׃

וברוח אפיך נערמו מים נצבו כמו נד נזלים קפאו תהמת בלב ים׃

נשפת ברוחך כסמו ים צללו כעופרת במים אדירים׃

נטית ימינך תבלעמו ארץ׃

שמעו עמים ירגזון חיל אחז ישבי פלשת׃

ויכנע אלהים ביום ההוא את יבין מלך כנען לפני בני ישראל׃

ותלך יד בני ישראל הלוך וקשה על יבין מלך כנען עד אשר הכריתו את יבין מלך כנען׃

וישם את נפשו בכפו ויך את הפלשתי ויעש יהוה תשועה גדולה לכל ישראל ראית ותשמח ולמה תחטא בדם נקי להמית את דוד חנם׃

ויאמר אך עמי המה בנים לא ישקרו ויהי להם למושיע׃

בזעם תצעד ארץ באף תדוש גוים׃

נקבת במטיו ראש פרזו יסערו להפיצני עליצתם כמו לאכל עני במסתר׃