אשרי תבחר ותקרב ישכן חצריך נשבעה בטוב ביתך קדש היכלך׃

כי טוב יום בחצריך מאלף בחרתי הסתופף בבית אלהי מדור באהלי רשע׃

שובי נפשי למנוחיכי כי יהוה גמל עליכי׃

טוב יהוה לקוו לנפש תדרשנו׃

טוב ויחיל ודומם לתשועת יהוה׃

וישב אל לבו ויאמר מה רבו שכירי אבי ויש להם לחם לשבע ואני אבד ברעב׃

ונקלתי מהקרא עוד בנך שימני כאשר שכיריך׃

ועתה אחי בהיות לנו בטחון דרך הקדש בדם ישוע׃

ובהיות לנו כהן גדול על בית אלהים׃

קרבו לאלהים ויקרב אליכם רחצו ידיכם החטאים טהרו לבבכם חלוקי הלבב׃

כי גם המשיח ענה פעם אחת על חטאתינו הצדיק בעד הרשעים לקרב אתנו אל האלהים הומת לפי הבשר ויחי ברוח׃

לכו שמעו ואספרה כל יראי אלהים אשר עשה לנפשי׃

אלהים למדתני מנעורי ועד הנה אגיד נפלאותיך׃

גם לשוני כל היום תהגה צדקתך כי בשו כי חפרו מבקשי רעתי׃

ויזבחו זבחי תודה ויספרו מעשיו ברנה׃

לא אמות כי אחיה ואספר מעשי יה׃