יהוה בהשמים חסדך אמונתך עד שחקים׃

צדקתך כהררי אל משפטך תהום רבה אדם ובהמה תושיע יהוה׃

כי גדל עד שמים חסדך ועד שחקים אמתך׃

פלאיה דעת ממני נשגבה לא אוכל לה׃

ארח חיים למעלה למשכיל למען סור משאול מטה׃

ראמות לאויל חכמות בשער לא יפתח פיהו׃

ויגבה יהוה צבאות במשפט והאל הקדוש נקדש בצדקה׃

כי גבהו שמים מארץ כן גבהו דרכי מדרכיכם ומחשבתי ממחשבתיכם׃

ברוך יהוה אלהים אלהי ישראל עשה נפלאות לבדו׃

אז ימלא שחוק פינו ולשוננו רנה אז יאמרו בגוים הגדיל יהוה לעשות עם אלה׃

הגדיל יהוה לעשות עמנו היינו שמחים׃

עשה גדלות ואין חקר נפלאות עד אין מספר׃

כל עצמותי תאמרנה יהוה מי כמוך מציל עני מחזק ממנו ועני ואביון מגזלו׃

אין כמוך באלהים אדני ואין כמעשיך׃

כי מי בשחק יערך ליהוה ידמה ליהוה בבני אלים׃

יהוה אלהי צבאות מי כמוך חסין יה ואמונתך סביבותיך׃

מי כמכה באלם יהוה מי כמכה נאדר בקדש נורא תהלת עשה פלא׃

ואל מי תדמיון אל ומה דמות תערכו לו׃

ואל מי תדמיוני ואשוה יאמר קדוש׃

מי לא יראך מלך הגוים כי לך יאתה כי בכל חכמי הגוים ובכל מלכותם מאין כמוך׃