יהוה עז לעמו יתן יהוה יברך את עמו בשלום׃

ברזל ונחשת מנעליך וכימיך דבאך׃

וקוי יהוה יחליפו כח יעלו אבר כנשרים ירוצו ולא ייגעו ילכו ולא ייעפו׃

אך ביהוה לי אמר צדקות ועז עדיו יבוא ויבשו כל הנחרים בו׃

ביהוה יצדקו ויתהללו כל זרע ישראל׃

וגברתים ביהוה ובשמו יתהלכו נאם יהוה׃

לתת לכם לפי עשר כבודו להתחזק בגבורה על ידי רוחו לאדם הפנימי׃

סוף דבר אחי חזקו באדנינו ובעז גבורתו׃

כל זאת אוכל בעזרת המשיח הנותן כח בקרבי׃

לכן בני התחזק בחסד אשר במשיח ישוע׃

יהוה אלהינו בעלונו אדנים זולתך לבד בך נזכיר שמך׃

חסדי יהוה אזכיר תהלת יהוה כעל כל אשר גמלנו יהוה ורב טוב לבית ישראל אשר גמלם כרחמיו וכרב חסדיו׃

בצדקתך תצילני ותפלטני הטה אלי אזנך והושיעני׃

פי יספר צדקתך כל היום תשועתך כי לא ידעתי ספרות׃

וצדקתך אלהים עד מרום אשר עשית גדלות אלהים מי כמוך׃

גם לשוני כל היום תהגה צדקתך כי בשו כי חפרו מבקשי רעתי׃

הצילני מדמים אלהים אלהי תשועתי תרנן לשוני צדקתך׃

אך בקשו בראשונה את מלכות אלהים ואת צדקתו ונוסף לכם כל אלה׃

כי תגלה בה צדקת אלהים מאמונה אל אמונה ככתוב וצדיק באמונתו יחיה׃

ועתה בבלי תורה צדקת אלהים לאור יצאה אשר העידו עליה התורה והנביאים׃

כי את צדקת אלהים לא ידעו ויבקשו להקים את צדקתם ובעבור זאת לצדקת אלהים לא נכנעו׃

ולא תהיה לי צדקתי מתוך התורה כי אם באמונת המשיח הצדקה הבאה מאת האלהים באמונה׃

באשר צדיק האלהים לגמל לחץ ללחציכם׃