כי חנם טמנו לי שחת רשתם חנם חפרו לנפשי׃

כרו לי זדים שיחות אשר לא כתורתך׃

אף על יתום תפילו ותכרו על ריעכם׃

הישלם תחת טובה רעה כי כרו שוחה לנפשי זכר עמדי לפניך לדבר עליהם טובה להשיב את חמתך מהם׃

טבעו גוים בשחת עשו ברשת זו טמנו נלכדה רגלם׃

נודע יהוה משפט עשה בפעל כפיו נוקש רשע הגיון סלה׃

בגאות רשע ידלק עני יתפשו במזמות זו חשבו׃

תבואהו שואה לא ידע ורשתו אשר טמן תלכדו בשואה יפל בה׃

להשקיט לו מימי רע עד יכרה לרשע שחת׃

ראש מסבי עמל שפתימו יכסומו׃

ימיטו עליהם גחלים באש יפלם במהמרות בל יקומו׃

יפלו במכמריו רשעים יחד אנכי עד אעבור׃

ויתלו את המן על העץ אשר הכין למרדכי וחמת המלך שככה׃

כאשר ראיתי חרשי און וזרעי עמל יקצרהו׃

עוונותיו ילכדנו את הרשע ובחבלי חטאתו יתמך׃

כרה שחת בה יפל וגלל אבן אליו תשוב׃

חפר גומץ בו יפול ופרץ גדר ישכנו נחש׃

מסיע אבנים יעצב בהם בוקע עצים יסכן בם׃