תפלה לחבקוק הנביא על שגינות׃

ודוד עבר מעט מהראש והנה ציבא נער מפי בשת לקראתו וצמד חמרים חבשים ועליהם מאתים לחם ומאה צמוקים ומאה קיץ ונבל יין׃

ויאמר המלך ואיה בן אדניך ויאמר ציבא אל המלך הנה יושב בירושלם כי אמר היום ישיבו לי בית ישראל את ממלכות אבי׃

ובא המלך דוד עד בחורים והנה משם איש יוצא ממשפחת בית שאול ושמו שמעי בן גרא יצא יצוא ומקלל׃

וכה אמר שמעי בקללו צא צא איש הדמים ואיש הבליעל׃

ויאמר אבישי בן צרויה אל המלך למה יקלל הכלב המת הזה את אדני המלך אעברה נא ואסירה את ראשו׃

ויאמר דוד אל אבישי ואל כל עבדיו הנה בני אשר יצא ממעי מבקש את נפשי ואף כי עתה בן הימיני הנחו לו ויקלל כי אמר לו יהוה׃

וילך דוד ואנשיו בדרך ושמעי הלך בצלע ההר לעמתו הלוך ויקלל ויסקל באבנים לעמתו ועפר בעפר׃

ואבשלום וכל העם איש ישראל באו ירושלם ואחיתפל אתו׃

ויאמר אבשלום אל חושי זה חסדך את רעך למה לא הלכת את רעך׃

והשנית למי אני אעבד הלוא לפני בנו כאשר עבדתי לפני אביך כן אהיה לפניך׃

ויאמר אחיתפל אל אבשלם בוא אל פלגשי אביך אשר הניח לשמור הבית ושמע כל ישראל כי נבאשת את אביך וחזקו ידי כל אשר אתך׃

ועצת אחיתפל אשר יעץ בימים ההם כאשר ישאל בדבר האלהים כן כל עצת אחיתפל גם לדוד גם לאבשלם׃

הביטה ענני יהוה אלהי האירה עיני פן אישן המות׃

ואני בחסדך בטחתי יגל לבי בישועתך׃

כי אתה תאיר נרי יהוה אלהי יגיה חשכי׃

יהוה אלהי שועתי אליך ותרפאני׃

למען יזמרך כבוד ולא ידם יהוה אלהי לעולם אודך׃

ואבואה אל מזבח אלהים אל אל שמחת גילי ואודך בכנור אלהים אלהי׃

הוא יקראני אבי אתה אלי וצור ישועתי׃

ואחי אשר עלו עמי המסיו את לב העם ואנכי מלאתי אחרי יהוה אלהי׃

שמוע שמעתי אפרים מתנודד יסרתני ואוסר כעגל לא למד השבני ואשובה כי אתה יהוה אלהי׃

ואתפללה ליהוה אלהי ואתודה ואמרה אנא אדני האל הגדול והנורא שמר הברית והחסד לאהביו ולשמרי מצותיו׃

אדני שמעה אדני סלחה אדני הקשיבה ועשה אל תאחר למענך אלהי כי שמך נקרא על עירך ועל עמך׃

ועוד אני מדבר ומתפלל ומתודה חטאתי וחטאת עמי ישראל ומפיל תחנתי לפני יהוה אלהי על הר קדש אלהי׃

ונסתם גיא הרי כי יגיע גי הרים אל אצל ונסתם כאשר נסתם מפני הרעש בימי עזיה מלך יהודה ובא יהוה אלהי כל קדשים עמך׃

למנצח לדוד ביהוה חסיתי איך תאמרו לנפשי נודו הרכם צפור׃

יהוה סלעי ומצודתי ומפלטי אלי צורי אחסה בו מגני וקרן ישעי משגבי׃

אלהי בך בטחתי אל אבושה אל יעלצו איבי לי׃

לדוד שפטני יהוה כי אני בתמי הלכתי וביהוה בטחתי לא אמעד׃

למנצח מזמור לדוד בך יהוה חסיתי אל אבושה לעולם בצדקתך פלטני׃

רבים מכאובים לרשע והבוטח ביהוה חסד יסובבנו׃

אל תבטחו בנדיבים בבן אדם שאין לו תשועה׃

אשרי שאל יעקב בעזרו שברו על יהוה אלהיו׃

מי בכם ירא יהוה שמע בקול עבדו אשר הלך חשכים ואין נגה לו יבטח בשם יהוה וישען באלהיו׃

המאמינים על פיו באלהים אשר הקים אתו מעם המתים ויתן לו כבוד למען היות אמונתכם גם תקוה לאלהים׃

קומה יהוה הושיעני אלהי כי הכית את כל איבי לחי שני רשעים שברת׃

הפלה חסדיך מושיע חוסים ממתקוממים בימינך׃

מפני רשעים זו שדוני איבי בנפש יקיפו עלי׃

בידך עתתי הצילני מיד אויבי ומרדפי׃

לדוד ריבה יהוה את יריבי לחם את לחמי׃

והרק חנית וסגר לקראת רדפי אמר לנפשי ישעתך אני׃

אתה ידעת יהוה זכרני ופקדני והנקם לי מרדפי אל לארך אפך תקחני דע שאתי עליך חרפה׃

ויהוה אותי כגבור עריץ על כן רדפי יכשלו ולא יכלו בשו מאד כי לא השכילו כלמת עולם לא תשכח׃

לכן גם המענים כרצון אלהים יפקידו את נפשותם ביד אלהים הברא הנאמן ויוסיפו לעשות הטוב׃