אך למלאת דבר הכתוב בתורתם שנאת חנם שנאוני׃

אשר חטא לא עשה ולא מרמה בפיו׃

כי אפפו עלי רעות עד אין מספר השיגוני עונתי ולא יכלתי לראות עצמו משערות ראשי ולבי עזבני׃

יהוה אלהי אם עשיתי זאת אם יש עול בכפי׃

ירדף אויב נפשי וישג וירמס לארץ חיי וכבודי לעפר ישכן סלה׃

ישלמוני רעה תחת טובה שכול לנפשי׃

אל ישמחו לי איבי שקר שנאי חנם יקרצו עין׃

ואיבי חיים עצמו ורבו שנאי שקר׃

ומשלמי רעה תחת טובה ישטנוני תחת רדופי טוב׃

ודברי שנאה סבבוני וילחמוני חנם׃

וישימו עלי רעה תחת טובה ושנאה תחת אהבתי׃

אכן חלינו הוא נשא ומכאבינו סבלם ואנחנו חשבנהו נגוע מכה אלהים ומענה׃

כלנו כצאן תעינו איש לדרכו פנינו ויהוה הפגיע בו את עון כלנו׃

כי את אשר לא ידע חטאת אתו עשה לחטאת בעדנו למען נהיה בו אנחנו לצדקת אלהים׃

למען נחיה לצדקה מאחר שנפטרנו מן החטאים׃

כי גם המשיח ענה פעם אחת על חטאתינו הצדיק בעד הרשעים לקרב אתנו אל האלהים הומת לפי הבשר ויחי ברוח׃