ואני בחלותם לבושי שק עניתי בצום נפשי ותפלתי על חיקי תשוב׃

כרע כאח לי התהלכתי כאבל אם קדר שחותי׃

בעת ההיא דבר יהוה ביד ישעיהו בן אמוץ לאמר לך ופתחת השק מעל מתניך ונעלך תחלץ מעל רגליך ויעש כן הלך ערום ויחף׃

ויקרא אדני יהוה צבאות ביום ההוא לבכי ולמספד ולקרחה ולחגר שק׃

אלי כבתולה חגרת שק על בעל נעוריה׃

חגרו וספדו הכהנים הילילו משרתי מזבח באו לינו בשקים משרתי אלהי כי נמנע מבית אלהיכם מנחה ונסך׃

תשימנו חרפה לשכנינו לעג וקלס לסביבותינו׃

תשימנו משל בגוים מנוד ראש בל אמים׃

והיית לשמה למשל ולשנינה בכל העמים אשר ינהגך יהוה שמה׃

והכרתי את ישראל מעל פני האדמה אשר נתתי להם ואת הבית אשר הקדשתי לשמי אשלח מעל פני והיה ישראל למשל ולשנינה בכל העמים׃

ונתתים לזועה לרעה לכל ממלכות הארץ לחרפה ולמשל לשנינה ולקללה בכל המקמות אשר אדיחם שם׃