למנצח על ששנים לבני קרח משכיל שיר ידידת רחש לבי דבר טוב אמר אני מעשי למלך לשוני עט סופר מהיר׃

למנצח על שושן עדות מכתם לדוד ללמד בהצותו את ארם נהרים ואת ארם צובה וישב יואב ויך את אדום בגיא מלח שנים עשר אלף אלהים זנחתנו פרצתנו אנפת תשובב לנו׃

למנצח אל ששנים עדות לאסף מזמור רעה ישראל האזינה נהג כצאן יוסף ישב הכרובים הופיעה׃

טבעתי ביון מצולה ואין מעמד באתי במעמקי מים ושבלת שטפתני׃

הצילני מטיט ואל אטבעה אנצלה משנאי וממעמקי מים׃

אל תשטפני שבלת מים ואל תבלעני מצולה ואל תאטר עלי באר פיה׃

אפפוני חבלי מות ונחלי בליעל יבעתוני׃

תהום אל תהום קורא לקול צנוריך כל משבריך וגליך עלי עברו׃

ושמתי משפט לקו וצדקה למשקלת ויעה ברד מחסה כזב וסתר מים ישטפו׃

כי תעבר במים אתך אני ובנהרות לא ישטפוך כי תלך במו אש לא תכוה ולהבה לא תבער בך׃

צפו מים על ראשי אמרתי נגזרתי׃

ותשליכני מצולה בלבב ימים ונהר יסבבני כל משבריך וגליך עלי עברו׃

אפפוני מים עד נפש תהום יסבבני סוף חבוש לראשי׃

וישלח הנחש נהר מים מפיו אחרי האשה לשטפה בנהר׃

ותעזר הארץ את האשה ותפתח הארץ את פיה ותבלע את הנהר אשר שלח התנין מפיהו׃

ויאמר אלי המים ההם אשר ראית אשר הזונה ישבת עליהם עמים והמנים המה וגוים ולשנות׃