22
ברכו יהוה כל מעשיו בכל מקמות ממשלתו ברכי נפשי את יהוה׃
21
ברכו יהוה כל צבאיו משרתיו עשי רצונו׃
20
ברכו יהוה מלאכיו גברי כח עשי דברו לשמע בקול דברו׃
19
יהוה בשמים הכין כסאו ומלכותו בכל משלה׃
18
לשמרי בריתו ולזכרי פקדיו לעשותם׃
17
וחסד יהוה מעולם ועד עולם על יראיו וצדקתו לבני בנים׃
16
כי רוח עברה בו ואיננו ולא יכירנו עוד מקומו׃
15
אנוש כחציר ימיו כציץ השדה כן יציץ׃
14
כי הוא ידע יצרנו זכור כי עפר אנחנו׃
13
כרחם אב על בנים רחם יהוה על יראיו׃
12
כרחק מזרח ממערב הרחיק ממנו את פשעינו׃
11
כי כגבה שמים על הארץ גבר חסדו על יראיו׃
10
לא כחטאינו עשה לנו ולא כעונתינו גמל עלינו׃
9
לא לנצח יריב ולא לעולם יטור׃
8
רחום וחנון יהוה ארך אפים ורב חסד׃
7
יודיע דרכיו למשה לבני ישראל עלילותיו׃
6
עשה צדקות יהוה ומשפטים לכל עשוקים׃
5
המשביע בטוב עדיך תתחדש כנשר נעוריכי׃
4
הגואל משחת חייכי המעטרכי חסד ורחמים׃
3
הסלח לכל עונכי הרפא לכל תחלאיכי׃
2
ברכי נפשי את יהוה ואל תשכחי כל גמוליו׃
1
לדוד ברכי נפשי את יהוה וכל קרבי את שם קדשו׃
