אך קרוב ליראיו ישעו לשכן כבוד בארצנו׃

אמת מארץ תצמח וצדק משמים נשקף׃

ונתתי גשמיכם בעתם ונתנה הארץ יבולה ועץ השדה יתן פריו׃

אם תאבו ושמעתם טוב הארץ תאכלו׃

ונתן מטר זרעך אשר תזרע את האדמה ולחם תבואת האדמה והיה דשן ושמן ירעה מקניך ביום ההוא כר נרחב׃

והאלפים והעירים עבדי האדמה בליל חמיץ יאכלו אשר זרה ברחת ובמזרה׃

ונתתי אותם וסביבות גבעתי ברכה והורדתי הגשם בעתו גשמי ברכה יהיו׃

ונתן עץ השדה את פריו והארץ תתן יבולה והיו על אדמתם לבטח וידעו כי אני יהוה בשברי את מטות עלם והצלתים מיד העבדים בהם׃

והיה ביום ההוא אענה נאם יהוה אענה את השמים והם יענו את הארץ׃

והארץ תענה את הדגן ואת התירוש ואת היצהר והם יענו את יזרעאל׃

אני נטעתי ואפולוס השקה אבל האלהים הוא הצמיח׃

והנטע והמשקה כאחד המה ואיש איש יקבל את שכרו כפי עמלו׃

כי זה אלהים אלהינו עולם ועד הוא ינהגנו על מות׃

והקמתי את בריתי ביני ובינך ובין זרעך אחריך לדרתם לברית עולם להיות לך לאלהים ולזרעך אחריך׃

ויאמר עוד אלהים אל משה כה תאמר אל בני ישראל יהוה אלהי אבתיכם אלהי אברהם אלהי יצחק ואלהי יעקב שלחני אליכם זה שמי לעלם וזה זכרי לדר דר׃

בעת ההיא נאם יהוה אהיה לאלהים לכל משפחות ישראל והמה יהיו לי לעם׃

כי זאת הברית אשר אכרת את בית ישראל אחרי הימים ההם נאם יהוה נתתי את תורתי בקרבם ועל לבם אכתבנה והייתי להם לאלהים והמה יהיו לי לעם׃