אתה מושל בגאות הים בשוא גליו אתה תשבחם׃

יקם סערה לדממה ויחשו גליהם׃

ויהוה הטיל רוח גדולה אל הים ויהי סער גדול בים והאניה חשבה להשבר׃

וישאו את יונה ויטלהו אל הים ויעמד הים מזעפו׃

ויאמר אליהם קטני האמונה למה זה יראתם ויקם ויגער ברוחות ובים ותהי דממה גדולה׃

ויתמהו האנשים ויאמרו מי אפוא הוא אמר גם הרוחות והים לו ישמעון׃

נשאו נהרות יהוה נשאו נהרות קולם ישאו נהרות דכים׃

מקלות מים רבים אדירים משברי ים אדיר במרום יהוה׃

תהום כלבוש כסיתו על הרים יעמדו מים׃

יעלו הרים ירדו בקעות אל מקום זה יסדת להם׃

ויסך בדלתים ים בגיחו מרחם יצא׃

ואשבר עליו חקי ואשים בריח ודלתים׃

למה רגשו גוים ולאמים יהגו ריק׃

ננתקה את מוסרותימו ונשליכה ממנו עבתימו׃

כי חמת אדם תודך שארית חמת תחגר׃

הוי המון עמים רבים כהמות ימים יהמיון ושאון לאמים כשאון מים כבירים ישאון׃

לאמים כשאון מים רבים ישאון וגער בו ונס ממרחק ורדף כמץ הרים לפני רוח וכגלגל לפני סופה׃

ויהי בדבר ישוע אליהם אני הוא ויסגו אחור ויפלו ארצה׃