והדרך צלח רכב על דבר אמת וענוה צדק ותורך נוראות ימינך׃

כי יהוה עליון נורא מלך גדול על כל הארץ׃

ידבר עמים תחתינו ולאמים תחת רגלינו׃

אמרו לאלהים מה נורא מעשיך ברב עזך יכחשו לך איביך׃

שמה שבר רשפי קשת מגן וחרב ומלחמה סלה׃

אשתוללו אבירי לב נמו שנתם ולא מצאו כל אנשי חיל ידיהם׃

אתה נורא אתה ומי יעמד לפניך מאז אפך׃

בקום למשפט אלהים להושיע כל ענוי ארץ סלה׃

או הנסה אלהים לבוא לקחת לו גוי מקרב גוי במסת באתת ובמופתים ובמלחמה וביד חזקה ובזרוע נטויה ובמוראים גדלים ככל אשר עשה לכם יהוה אלהיכם במצרים לעיניך׃

הוא תהלתך והוא אלהיך אשר עשה אתך את הגדלת ואת הנוראת האלה אשר ראו עיניך׃

ויצא מלאך יהוה ויכה במחנה אשור מאה ושמנים וחמשה אלף וישכימו בבקר והנה כלם פגרים מתים׃

צדיק יהוה בכל דרכיו וחסיד בכל מעשיו׃

ובקשי לבבך הממאן לשוב תצבר לך עברה אל יום עברת האלהים ועת הגלות צדקת משפטו׃

וישירו את שירת משה עבד אלהים ושירת השה לאמר גדולים מעשיך ונפלאים יהוה אלהים צבאות צדק ואמת דרכיך מלך הגוים׃

מי לא ייראך יהוה ולא יכבד את שמך כי קדוש אתה לבדך כי כל הגוים יבאו וישתחוו לפניך כי נגלו משפטי צדקך׃

ואשמע את מלאך המים אמר צדיק אתה ההוה והיה והקדוש כי כן שפטת׃

אחרי כן שמעתי קול גדול כקול המון רב בשמים האמרים הללויה הישועה והכבוד והעז ליהוה אלהינו׃

וישנו ויאמרו הללויה ועשנה יעלה לעולמי עולמים׃

ברוך אדני יום יום יעמס לנו האל ישועתנו סלה׃

האל לנו אל למושעות וליהוה אדני למות תוצאות׃

פנו אלי והושעו כל אפסי ארץ כי אני אל ואין עוד׃

לכו ועשו לתלמידים את כל הגוים וטבלתם אתם לשם האב והבן ורוח הקדש׃

ולמדתם אתם לשמר את כל אשר צויתי אתכם והנה אנכי אתכם כל הימים עד קץ העולם אמן׃

ואומר הרנינו גוים עמו׃

וישעיהו אמר והיה שרש ישי אשר עמד לנס עמים אליו גוים יקוו׃

יזכרו וישבו אל יהוה כל אפסי ארץ וישתחוו לפניך כל משפחות גוים׃

קרוב צדקי יצא ישעי וזרעי עמים ישפטו אלי איים יקוו ואל זרעי ייחלון׃

אז תראי ונהרת ופחד ורחב לבבך כי יהפך עליך המון ים חיל גוים יבאו לך׃

ושמתי בהם אות ושלחתי מהם פליטים אל הגוים תרשיש פול ולוד משכי קשת תבל ויון האיים הרחקים אשר לא שמעו את שמעי ולא ראו את כבודי והגידו את כבודי בגוים׃

נורא יהוה עליהם כי רזה את כל אלהי הארץ וישתחוו לו איש ממקומו כל איי הגוים׃

והכרתי רכב מאפרים וסוס מירושלם ונכרתה קשת מלחמה ודבר שלום לגוים ומשלו מים עד ים ומנהר עד אפסי ארץ׃

ויבא ויבשר שלום לכם הרחוקים והקרובים׃

כי על ידו יש לשנינו מבוא ברוח אחד אל אבינו׃