שמחו ביהוה וגילו צדיקים והרנינו כל ישרי לב׃

רננו צדיקים ביהוה לישרים נאוה תהלה׃

ויתן בפי שיר חדש תהלה לאלהינו יראו רבים וייראו ויבטחו ביהוה׃

ישמח צדיק כי חזה נקם פעמיו ירחץ בדם הרשע׃

כהנדף עשן תנדף כהמס דונג מפני אש יאבדו רשעים מפני אלהים׃

וצדיקים ישמחו יעלצו לפני אלהים וישישו בשמחה׃

שמחו באדנינו בכל עת ועוד הפעם אמר אני שמחו׃

אור זרע לצדיק ולישרי לב שמחה׃

גבור בארץ יהיה זרעו דור ישרים יברך׃

וממנו אתם במשיח ישוע אשר היה לנו לחכמה מאת האלהים ולצדקה ולקדוש ולפדיון׃

ויהי ככתוב המתהלל יתהלל ביהוה׃

ואנכי חלילה מהתהלל זולתי בצלב אדנינו ישוע המשיח אשר בו העולם נצלב לי ואני נצלב לעולם׃