שמע יהוה קולי אקרא וחנני וענני׃

למנצח בנגינת משכיל לדוד האזינה אלהים תפלתי ואל תתעלם מתחנתי׃

הקשיבה לי וענני אריד בשיחי ואהימה׃

שיר המעלות ממעמקים קראתיך יהוה׃

אדני שמעה בקולי תהיינה אזניך קשבות לקול תחנוני׃

מזמור לדוד יהוה קראתיך חושה לי האזינה קולי בקראי לך׃

מזמור לדוד יהוה שמע תפלתי האזינה אל תחנוני באמנתך ענני בצדקתך׃

כי רדף אויב נפשי דכא לארץ חיתי הושיבני במחשכים כמתי עולם׃

קראתי שמך יהוה מבור תחתיות׃

קולי שמעת אל תעלם אזנך לרוחתי לשועתי׃

שמרני כאישון בת עין בצל כנפיך תסתירני׃

מפני רשעים זו שדוני איבי בנפש יקיפו עלי׃

כי שמעתי דבת רבים מגור מסביב בהוסדם יחד עלי לקחת נפשי זממו׃

בידך עתתי הצילני מיד אויבי ומרדפי׃

דרשתי את יהוה וענני ומכל מגורותי הצילני׃

שאפו שוררי כל היום כי רבים לחמים לי מרום׃

באלהים אהלל דברו באלהים בטחתי לא אירא מה יעשה בשר לי׃

ודבר האדון היה אל פולוס במחזה בלילה לאמר אל תירא כי אם דבר ואל תחשה׃

כי עמך אנכי ואיש אל יגע בך להרע לך כי גוי גדול לי בעיר הזאת׃

ויאמר אל תירא פולוס עליך עוד לעמד לפני הקיסר ועתה הנה נתן לך האלהים את כל ההלכים אתך באניה׃