אך הוא צורי וישועתי משגבי לא אמוט׃

יהוה סלעי ומצודתי ומפלטי אלי צורי אחסה בו מגני וקרן ישעי משגבי׃

למנצח מזמור לדוד יהוה בעזך ישמח מלך ובישועתך מה יגיל מאד׃

לדוד יהוה אורי וישעי ממי אירא יהוה מעוז חיי ממי אפחד׃

מי לי בשמים ועמך לא חפצתי בארץ׃

כלה שארי ולבבי צור לבבי וחלקי אלהים לעולם׃

איכה ירדף אחד אלף ושנים יניסו רבבה אם לא כי צורם מכרם ויהוה הסגירם׃

כי לא כצורנו צורם ואיבינו פלילים׃

בטחו ביהוה עדי עד כי ביה יהוה צור עולמים׃

והיה איש כמחבא רוח וסתר זרם כפלגי מים בציון כצל סלע כבד בארץ עיפה׃

עזו אליך אשמרה כי אלהים משגבי׃

עזי אליך אזמרה כי אלהים משגבי אלהי חסדי׃

כי יפל לא יוטל כי יהוה סומך ידו׃

אל תשמחי איבתי לי כי נפלתי קמתי כי אשב בחשך יהוה אור לי׃

זעף יהוה אשא כי חטאתי לו עד אשר יריב ריבי ועשה משפטי יוציאני לאור אראה בצדקתו׃

עדין לא בא עליכם נסיון אחר בלתי אם נסיון בני אדם כי נאמן הוא האלהים אשר לא יניח לנסות אתכם למעלה מיכלתכם כי אם יתן עם הנסיון גם תוצאתיו כדי שתוכלו שאת׃

נחלצים אנחנו בכל ולא נדכאים דאגים ולא נואשים׃

נרדפים ולא נטושים משלכים ולא אבדים׃