ואני בתמי תמכת בי ותציבני לפניך לעולם׃

כי ילד ילד לנו בן נתן לנו ותהי המשרה על שכמו ויקרא שמו פלא יועץ אל גבור אביעד שר שלום׃

למרבה המשרה ולשלום אין קץ על כסא דוד ועל ממלכתו להכין אתה ולסעדה במשפט ובצדקה מעתה ועד עולם קנאת יהוה צבאות תעשה זאת׃

ועל בית יעקב ימלך לעולם ועד ולמלכותו אין קץ׃

כי המה נתכהנו בלי שבועה וזה בשבועה על ידי האמר לו נשבע יהוה ולא ינחם אתה כהן לעולם על דברתי מלכי צדק׃

ושם נתכהנו רבים מפני אשר המות לא הניחם להותר בארץ׃

אשר על כן יוכל גם להושיע בכל וכל את הנגשים על ידו לאלהים כי חי הוא תמיד להפגיע בעדם׃

כי המשיח לא בא אל הקדש הנעשה בידים שהוא רק דמות האמתי כי אם בא אל עצם השמים לראות עתה בעדנו את פני האלהים׃

אתה יהוה לא תכלא רחמיך ממני חסדך ואמתך תמיד יצרוני׃

שלח אורך ואמתך המה ינחוני יביאוני אל הר קדשך ואל משכנותיך׃

ישלח משמים ויושיעני חרף שאפי סלה ישלח אלהים חסדו ואמתו׃

ויאמר ברוך יהוה אלהי אדני אברהם אשר לא עזב חסדו ואמתו מעם אדני אנכי בדרך נחני יהוה בית אחי אדני׃

קטנתי מכל החסדים ומכל האמת אשר עשית את עבדך כי במקלי עברתי את הירדן הזה ועתה הייתי לשני מחנות׃

חסד ואמת יצרו מלך וסעד בחסד כסאו׃

תתן אמת ליעקב חסד לאברהם אשר נשבעת לאבתינו מימי קדם׃

תמך בישראל עבדו לזכר את רחמיו׃

כאשר דבר אל אבותינו לאברהם ולזרעו עד עולם׃