רבים אמרים מי יראנו טוב נסה עלינו אור פניך יהוה׃

נתתה שמחה בלבי מעת דגנם ותירושם רבו׃

כי הטה אזנו לי ובימי אקרא׃

יהוה אדני עז ישועתי סכתה לראשי ביום נשק׃

שמעו אלי בית יעקב וכל שארית בית ישראל העמסים מני בטן הנשאים מני רחם׃

ועד זקנה אני הוא ועד שיבה אני אסבל אני עשיתי ואני אשא ואני אסבל ואמלט׃

אשר הצילנו ממות כזה ועודנו מציל ולו אנחנו מקוים כי יוסיף להצילנו׃

יהוה סלעי ומצודתי ומפלטי אלי צורי אחסה בו מגני וקרן ישעי משגבי׃

מגדל עז שם יהוה בו ירוץ צדיק ונשגב׃