אלהי עלי נפשי תשתוחח על כן אזכרך מארץ ירדן וחרמונים מהר מצער׃

אשא כנפי שחר אשכנה באחרית ים׃

גם שם ידך תנחני ותאחזני ימינך׃

ובקשתם משם את יהוה אלהיך ומצאת כי תדרשנו בכל לבבך ובכל נפשך׃

ויאמר קראתי מצרה לי אל יהוה ויענני מבטן שאול שועתי שמעת קולי׃

ואני אמרתי נגרשתי מנגד עיניך אך אוסיף להביט אל היכל קדשך׃

מה תשתוחחי נפשי ומה תהמי עלי הוחילי לאלהים כי עוד אודנו ישועת פני ואלהי׃

יראה ורעד יבא בי ותכסני פלצות׃

אזכרה אלהים ואהמיה אשיחה ותתעטף רוחי סלה׃

בהתעטף עלי רוחי ואתה ידעת נתיבתי בארח זו אהלך טמנו פח לי׃

ותתעטף עלי רוחי בתוכי ישתומם לבי׃

עניה סערה לא נחמה הנה אנכי מרביץ בפוך אבניך ויסדתיך בספירים׃

ויקח אתו את פטרוס ואת יעקב ואת יוחנן ויחל להשמים ולמוג׃

ויאמר אליהם נפשי מרה לי עד מות עמדו פה ושקדו׃

ויבאו עליו חבלי מות ויוסף להתפלל בחזקה ותהי זעתו כנטפי דם ירדים לארץ׃

חי יהוה וברוך צורי וירום אלוהי ישעי׃

כי יצפנני בסכה ביום רעה יסתרני בסתר אהלו בצור ירוממני׃

ויעלני מבור שאון מטיט היון ויקם על סלע רגלי כונן אשרי׃

אך הוא צורי וישועתי משגבי לא אמוט רבה׃

אך הוא צורי וישועתי משגבי לא אמוט׃

והיה איש כמחבא רוח וסתר זרם כפלגי מים בציון כצל סלע כבד בארץ עיפה׃