למנצח לעבד יהוה לדוד אשר דבר ליהוה את דברי השירה הזאת ביום הציל יהוה אותו מכף כל איביו ומיד שאול ויאמר ארחמך יהוה חזקי׃

למנצח לעבד יהוה לדוד אשר דבר ליהוה את דברי השירה הזאת ביום הציל יהוה אותו מכף כל איביו ומיד שאול ויאמר ארחמך יהוה חזקי׃

יהוה סלעי ומצודתי ומפלטי אלי צורי אחסה בו מגני וקרן ישעי משגבי׃

לדוד יהוה אורי וישעי ממי אירא יהוה מעוז חיי ממי אפחד׃

קוה אל יהוה חזק ויאמץ לבך וקוה אל יהוה׃

למנצח לבני קרח על עלמות שיר אלהים לנו מחסה ועז עזרה בצרות נמצא מאד׃

אך לאלהים דומי נפשי כי ממנו תקותי׃

אך הוא צורי וישועתי משגבי לא אמוט׃

אחת דבר אלהים שתים זו שמעתי כי עז לאלהים׃

הנה אל ישועתי אבטח ולא אפחד כי עזי וזמרת יה יהוה ויהי לי לישועה׃

יצר סמוך תצר שלום שלום כי בך בטוח׃

בטחו ביהוה עדי עד כי ביה יהוה צור עולמים׃

וקוי יהוה יחליפו כח יעלו אבר כנשרים ירוצו ולא ייגעו ילכו ולא ייעפו׃

ואל תביאנו לידי נסיון כי אם חלצנו מן הרע כי לך הממלכה והגבורה והתפארת לעולמי עולמים אמן׃

עזי אליך אזמרה כי אלהים משגבי אלהי חסדי׃

אך הוא צורי וישועתי משגבי לא אמוט רבה׃

ויהי יהוה משגב לדך משגב לעתות בצרה׃

למנצח מזמור לדוד יענך יהוה ביום צרה ישגבך שם אלהי יעקב׃

יהוה צבאות עמנו משגב לנו אלהי יעקב סלה׃

אז תתענג על יהוה והרכבתיך על במותי ארץ והאכלתיך נחלת יעקב אביך כי פי יהוה דבר׃

יהוה אדני חילי וישם רגלי כאילות ועל במותי ידרכני למנצח בנגינותי׃