יהוה בהשמים חסדך אמונתך עד שחקים׃

וצדקתך אלהים עד מרום אשר עשית גדלות אלהים מי כמוך׃

חסד ואמת נפגשו צדק ושלום נשקו׃

אמת מארץ תצמח וצדק משמים נשקף׃

משכיל לאיתן האזרחי חסדי יהוה עולם אשירה לדר ודר אודיע אמונתך בפי׃

כי אמרתי עולם חסד יבנה שמים תכן אמונתך בהם׃

כי כגבה שמים על הארץ גבר חסדו על יראיו׃

כי גדול מעל שמים חסדך ועד שחקים אמתך׃

ואני הנני מקים את בריתי אתכם ואת זרעכם אחריכם׃

והקמתי את בריתי אתכם ולא יכרת כל בשר עוד ממי המבול ולא יהיה עוד מבול לשחת הארץ׃

את קשתי נתתי בענן והיתה לאות ברית ביני ובין הארץ׃

וזכרתי את בריתי אשר ביני וביניכם ובין כל נפש חיה בכל בשר ולא יהיה עוד המים למבול לשחת כל בשר׃

ויאמר אלהים אל נח זאת אות הברית אשר הקמתי ביני ובין כל בשר אשר על הארץ׃

ברגע קטן עזבתיך וברחמים גדלים אקבצך׃

כי מי נח זאת לי אשר נשבעתי מעבר מי נח עוד על הארץ כן נשבעתי מקצף עליך ומגער בך׃

על כן כאשר רצה האלהים להראות ביותר את ירשי ההבטחה כי לא תשתנה עצתו ערב אתה בשבועה׃

למען על פי שני דברים בלתי משתנים אשר חלילה לאלהים לשקר בם יהיה לנו אשר נסנו עליו זרוז גדול לאחז בתקוה הנתונה לפנינו׃