קוה אל יהוה חזק ויאמץ לבך וקוה אל יהוה׃

גול על יהוה דרכך ובטח עליו והוא יעשה׃

ברצח בעצמותי חרפוני צוררי באמרם אלי כל היום איה אלהיך׃

מה תשתוחחי נפשי ומה תהמי עלי הוחילי לאלהים כי עוד אודנו ישועת פני ואלהי׃

בטחו בו בכל עת עם שפכו לפניו לבבכם אלהים מחסה לנו סלה׃

דבקה נפשי אחריך בי תמכה ימינך׃

מי בכם ירא יהוה שמע בקול עבדו אשר הלך חשכים ואין נגה לו יבטח בשם יהוה וישען באלהיו׃

על כן אמר אני לכם אל תדאגו לנפשכם מה תאכלו ומה תשתו ולגופכם מה תלבשו הלא הנפש היא יקרה מן המזון והגוף יקר מן המלבוש׃

לכן אל תדאגו לאמר מה נאכל ומה נשתה ומה נלבש׃

אך בקשו בראשונה את מלכות אלהים ואת צדקתו ונוסף לכם כל אלה׃

לכו אלי כל העמלים והטעונים ואני אניח לכם׃

ויאמר אל תלמידיו לכן אני אמר לכם אל תדאגו לנפשכם מה תאכלו ולגופכם מה תלבשו׃

אל תדאגו כי אם בתפלה ובתחנונים עם תודה תודיעו בכל דבר את משאלותיכם לאלהינו׃

ושלום אלהים הנשגב מכל שכל ינצר את לבבכם ואת מחשבותיכם במשיח ישוע׃

השליכו עליו כל יהבכם כי הוא ידאג לכם׃

שויתי יהוה לנגדי תמיד כי מימיני בל אמוט׃

כי יפל לא יוטל כי יהוה סומך ידו׃

אך הוא צורי וישועתי משגבי לא אמוט רבה׃

אך הוא צורי וישועתי משגבי לא אמוט׃

אל יתן למוט רגלך אל ינום שמרך׃

רגלי חסידו ישמר ורשעים בחשך ידמו כי לא בכח יגבר איש׃

צאני תשמענה את קולי ואני ידעתין ואחרי תלכנה׃

האב אשר נתנן לי גדול הוא על כל ואיש לא יחטף אתהן מיד האב׃

הנשמרים בעז אלהים על יד האמונה לתשועה העתידה להגלות בעת קץ׃