1 Samuel 22:17
ויאמר המלך לרצים הנצבים עליו סבו והמיתו כהני יהוה כי גם ידם עם דוד וכי ידעו כי ברח הוא ולא גלו את אזנו ולא אבו עבדי המלך לשלח את ידם לפגע בכהני יהוה׃
1 Samuel 24:10
הנה היום הזה ראו עיניך את אשר נתנך יהוה היום בידי במערה ואמר להרגך ותחס עליך ואמר לא אשלח ידי באדני כי משיח יהוה הוא׃
2 Samuel 18:12
ויאמר האיש אל יואב ולא אנכי שקל על כפי אלף כסף לא אשלח ידי אל בן המלך כי באזנינו צוה המלך אתך ואת אבישי ואת אתי לאמר שמרו מי בנער באבשלום׃
Actes 12:1
בעת ההיא שלח המלך הורדוס את ידו להרע לאנשים מן הקהל׃
Psaumes 7:4
אם גמלתי שולמי רע ואחלצה צוררי ריקם׃
Psaumes 109:5
וישימו עלי רעה תחת טובה ושנאה תחת אהבתי׃
Psaumes 120:6
רבת שכנה לה נפשי עם שונא שלום׃
Psaumes 120:7
אני שלום וכי אדבר המה למלחמה׃
Psaumes 89:28
לעולם אשמור לו חסדי ובריתי נאמנת לו׃
Psaumes 89:34
לא אחלל בריתי ומוצא שפתי לא אשנה׃
Psaumes 89:38
ואתה זנחת ותמאס התעברת עם משיחך׃
2 Samuel 2:4
ויבאו אנשי יהודה וימשחו שם את דוד למלך על בית יהודה ויגדו לדוד לאמר אנשי יביש גלעד אשר קברו את שאול׃
2 Samuel 5:3
ויבאו כל זקני ישראל אל המלך חברונה ויכרת להם המלך דוד ברית בחברון לפני יהוה וימשחו את דוד למלך על ישראל׃
2 Samuel 14:32
ויאמר אבשלום אל יואב הנה שלחתי אליך לאמר בא הנה ואשלחה אתך אל המלך לאמר למה באתי מגשור טוב לי עד אני שם ועתה אראה פני המלך ואם יש בי עון והמתני׃
2 Samuel 14:33
ויבא יואב אל המלך ויגד לו ויקרא אל אבשלום ויבא אל המלך וישתחו לו על אפיו ארצה לפני המלך וישק המלך לאבשלום׃
2 Samuel 15:10-12
10
וישלח אבשלום מרגלים בכל שבטי ישראל לאמר כשמעכם את קול השפר ואמרתם מלך אבשלום בחברון׃
11
ואת אבשלום הלכו מאתים איש מירושלם קראים והלכים לתמם ולא ידעו כל דבר׃
12
וישלח אבשלום את אחיתפל הגילני יועץ דוד מעירו מגלה בזבחו את הזבחים ויהי הקשר אמץ והעם הולך ורב את אבשלום׃
Ecclesiaste 8:2
אני פי מלך שמור ועל דברת שבועת אלהים׃
Ezechiel 17:16-19
16
חי אני נאם אדני יהוה אם לא במקום המלך הממליך אתו אשר בזה את אלתו ואשר הפר את בריתו אתו בתוך בבל ימות׃
17
ולא בחיל גדול ובקהל רב יעשה אותו פרעה במלחמה בשפך סללה ובבנות דיק להכרית נפשות רבות׃
18
ובזה אלה להפר ברית והנה נתן ידו וכל אלה עשה לא ימלט׃
19
לכן כה אמר אדני יהוה חי אני אם לא אלתי אשר בזה ובריתי אשר הפיר ונתתיו בראשו׃