Psaumes 59:13
כלה בחמה כלה ואינמו וידעו כי אלהים משל ביעקב לאפסי הארץ סלה׃
Psaumes 69:22-28
22
יהי שלחנם לפניהם לפח ולשלומים למוקש׃
23
תחשכנה עיניהם מראות ומתניהם תמיד המעד׃
24
שפך עליהם זעמך וחרון אפך ישיגם׃
25
תהי טירתם נשמה באהליהם אל יהי ישב׃
26
כי אתה אשר הכית רדפו ואל מכאוב חלליך יספרו׃
27
תנה עון על עונם ואל יבאו בצדקתך׃
28
ימחו מספר חיים ועם צדיקים אל יכתבו׃
Psaumes 109:6-20
6
הפקד עליו רשע ושטן יעמד על ימינו׃
7
בהשפטו יצא רשע ותפלתו תהיה לחטאה׃
8
יהיו ימיו מעטים פקדתו יקח אחר׃
9
יהיו בניו יתומים ואשתו אלמנה׃
10
ונוע ינועו בניו ושאלו ודרשו מחרבותיהם׃
11
ינקש נושה לכל אשר לו ויבזו זרים יגיעו׃
12
אל יהי לו משך חסד ואל יהי חונן ליתומיו׃
13
יהי אחריתו להכרית בדור אחר ימח שמם׃
14
יזכר עון אבתיו אל יהוה וחטאת אמו אל תמח׃
15
יהיו נגד יהוה תמיד ויכרת מארץ זכרם׃
16
יען אשר לא זכר עשות חסד וירדף איש עני ואביון ונכאה לבב למותת׃
17
ויאהב קללה ותבואהו ולא חפץ בברכה ותרחק ממנו׃
18
וילבש קללה כמדו ותבא כמים בקרבו וכשמן בעצמותיו׃
19
תהי לו כבגד יעטה ולמזח תמיד יחגרה׃
20
זאת פעלת שטני מאת יהוה והדברים רע על נפשי׃
2 Samuel 17:23
ואחיתפל ראה כי לא נעשתה עצתו ויחבש את החמור ויקם וילך אל ביתו אל עירו ויצו אל ביתו ויחנק וימת ויקבר בקבר אביו׃
2 Samuel 18:9
ויקרא אבשלום לפני עבדי דוד ואבשלום רכב על הפרד ויבא הפרד תחת שובך האלה הגדולה ויחזק ראשו באלה ויתן בין השמים ובין הארץ והפרד אשר תחתיו עבר׃
2 Samuel 18:14
ויאמר יואב לא כן אחילה לפניך ויקח שלשה שבטים בכפו ויתקעם בלב אבשלום עודנו חי בלב האלה׃
Matthieu 27:5
וישלך את הכסף אל ההיכל ויפן וילך ויחנק׃
Actes 1:18-20
18
והנה הוא קנה לו שדה במחיר הרשעה ויפל על פניו ארצה ויבקע בתוך וישפכו כל מעיו׃
19
וגם נודעה זאת לכל ישבי ירושלים ויקרא בשפתם לשדה ההוא חקל דמא הוא שדה הדם׃
20
כי כתוב בספר תהלים תהי טירתו נשמה ואל יהי בה ישב ופקדתו יקח אחר׃
Nombres 16:30-34
30
ואם בריאה יברא יהוה ופצתה האדמה את פיה ובלעה אתם ואת כל אשר להם וירדו חיים שאלה וידעתם כי נאצו האנשים האלה את יהוה׃
31
ויהי ככלתו לדבר את כל הדברים האלה ותבקע האדמה אשר תחתיהם׃
32
ותפתח הארץ את פיה ותבלע אתם ואת בתיהם ואת כל האדם אשר לקרח ואת כל הרכוש׃
33
וירדו הם וכל אשר להם חיים שאלה ותכס עליהם הארץ ויאבדו מתוך הקהל׃
34
וכל ישראל אשר סביבתיהם נסו לקלם כי אמרו פן תבלענו הארץ׃
Matthieu 26:24
הן בן האדם הלוך ילך לו ככתוב עליו אבל אוי לאיש ההוא אשר על ידו ימסר בן האדם טוב לאיש ההוא אם לא נולד׃
Actes 1:25
לקחת את גורל השרות הזה והשליחות אשר סר ממנה יהודה להלך אל מקומו׃
Psaumes 9:17
ישובו רשעים לשאולה כל גוים שכחי אלהים׃