Ezechiel 22:1-12
1
ויהי דבר יהוה אלי לאמר׃
2
ואתה בן אדם התשפט התשפט את עיר הדמים והודעתה את כל תועבותיה׃
3
ואמרת כה אמר אדני יהוה עיר שפכת דם בתוכה לבוא עתה ועשתה גלולים עליה לטמאה׃
4
בדמך אשר שפכת אשמת ובגלוליך אשר עשית טמאת ותקריבי ימיך ותבוא עד שנותיך על כן נתתיך חרפה לגוים וקלסה לכל הארצות׃
5
הקרבות והרחקות ממך יתקלסו בך טמאת השם רבת המהומה׃
6
הנה נשיאי ישראל איש לזרעו היו בך למען שפך דם׃
7
אב ואם הקלו בך לגר עשו בעשק בתוכך יתום ואלמנה הונו בך׃
8
קדשי בזית ואת שבתתי חללת׃
9
אנשי רכיל היו בך למען שפך דם ואל ההרים אכלו בך זמה עשו בתוכך׃
10
ערות אב גלה בך טמאת הנדה ענו בך׃
11
ואיש את אשת רעהו עשה תועבה ואיש את כלתו טמא בזמה ואיש את אחתו בת אביו ענה בך׃
12
שחד לקחו בך למען שפך דם נשך ותרבית לקחת ותבצעי רעיך בעשק ואתי שכחת נאם אדני יהוה׃
Actes 7:51
קשי ערף וערלי לב ואזנים ממרים הייתם תמיד ברוח הקדש כאבותיכם גם אתם׃
Actes 7:52
מי מהנביאים אשר לא רדפוהו אבותיכם אף המיתו את המבשרים מקדם ביאת הצדיק אשר עתה הייתם אתם מוסריו ומרצחיו׃
Psaumes 109:2
כי פי רשע ופי מרמה עלי פתחו דברו אתי לשון שקר׃
Psaumes 109:3
ודברי שנאה סבבוני וילחמוני חנם׃
Esaïe 59:7
רגליהם לרע ירצו וימהרו לשפך דם נקי מחשבותיהם מחשבות און שד ושבר במסלותם׃
Jérémie 5:26
כי נמצאו בעמי רשעים ישור כשך יקושים הציבו משחית אנשים ילכדו׃
Jérémie 5:27
ככלוב מלא עוף כן בתיהם מלאים מרמה על כן גדלו ויעשירו׃
Jérémie 9:3-5
3
וידרכו את לשונם קשתם שקר ולא לאמונה גברו בארץ כי מרעה אל רעה יצאו ואתי לא ידעו נאם יהוה׃
4
איש מרעהו השמרו ועל כל אח אל תבטחו כי כל אח עקוב יעקב וכל רע רכיל יהלך׃
5
ואיש ברעהו יהתלו ואמת לא ידברו למדו לשונם דבר שקר העוה נלאו׃
Matthieu 26:4
ויועצו יחדו לתפש את ישוע בערמה ולהמיתו׃