קוה אל יהוה ושמר דרכו וירוממך לרשת ארץ בהכרת רשעים תראה׃

וייראו כל אדם ויגידו פעל אלהים ומעשהו השכילו׃

שמעה ותשמח ציון ותגלנה בנות יהודה למען משפטיך יהוה׃

יראו צדיקים וישמחו ונקי ילעג למו׃

ועיניכם תראינה ואתם תאמרו יגדל יהוה מעל לגבול ישראל׃

מי לא ייראך יהוה ולא יכבד את שמך כי קדוש אתה לבדך כי כל הגוים יבאו וישתחוו לפניך כי נגלו משפטי צדקך׃

ואשמע את מלאך המים אמר צדיק אתה ההוה והיה והקדוש כי כן שפטת׃

ואשמע את המזבח אמר אמנם כן יהוה אלהים צבאות אמת וצדק משפטיך׃

רנו עליה השמים והשליחים הקדשים והנביאים כי שפט אלהים את משפטכם ממנה׃

אחרי כן שמעתי קול גדול כקול המון רב בשמים האמרים הללויה הישועה והכבוד והעז ליהוה אלהינו׃

כי אמת וישר משפטיו כי שפט את הזונה הגדולה אשר השחיתה את הארץ בתזנתה וידרש מידה טאת דם עבדיו׃

ויתן בפי שיר חדש תהלה לאלהינו יראו רבים וייראו ויבטחו ביהוה׃

סמר מפחדך בשרי וממשפטיך יראתי׃

ישמח צדיק כי חזה נקם פעמיו ירחץ בדם הרשע׃

ויאמר אדם אך פרי לצדיק אך יש אלהים שפטים בארץ׃

זה הדבר אשר דבר יהוה עליו בזה לך לעגה לך בתולת בת ציון אחריך ראש הניעה בת ירושלם׃