עליהם עוף השמים ישכון מבין עפאים יתנו קול׃

נותן לבהמה לחמה לבני ערב אשר יקראו׃

ויאמר אלהים ישרצו המים שרץ נפש חיה ועוף יעופף על הארץ על פני רקיע השמים׃

ויברך אתם אלהים לאמר פרו ורבו ומלאו את המים בימים והעוף ירב בארץ׃

מי יכין לערב צידו כי ילדו אל אל ישועו יתעו לבלי אכל׃

כנף רננים נעלסה אם אברה חסידה ונצה׃

ותשכח כי רגל תזורה וחית השדה תדושה׃

כי השה אלוה חכמה ולא חלק לה בבינה׃

המבינתך יאבר נץ יפרש כנפו לתימן׃

סלע ישכן ויתלנן על שן סלע ומצודה׃

ואפרחו יעלעו דם ובאשר חללים שם הוא׃

הביטו וראו את עוף השמים אשר אינם זרעים ואינם קצרים ואינם אספים לאסמים ואביכם שבשמים מכלכל אתם הלא אתם נעליתם עליהם מאד׃

הלא תמכרנה שתי צפרים באסר ואחת מהנה לא תפול ארצה מבלעדי אביכם׃

לכן אל תיראו הנכם יקרים מצפרים רבות׃

התבוננו אל הערבים אשר אינם זרעים ואינם קצרים וגם אין להם מגורה ואוצר והאלהים מכלכל אותם ומה מעלים אתם מן העוף׃

כל חיתו שדי אתיו לאכל כל חיתו ביער׃

לו חיה רעה אעביר בארץ ושכלתה והיתה שממה מבלי עובר מפני החיה׃

שלשת האנשים האלה בתוכה חי אני נאם אדני יהוה אם בנים ואם בנות יצילו המה לבדם ינצלו והארץ תהיה שממה׃