יזכרו וישבו אל יהוה כל אפסי ארץ וישתחוו לפניך כל משפחות גוים׃

אכלו וישתחוו כל דשני ארץ לפניו יכרעו כל יורדי עפר ונפשו לא חיה׃

יהוה מלך גאות לבש לבש יהוה עז התאזר אף תכון תבל בל תמוט׃

אמרו בגוים יהוה מלך אף תכון תבל בל תמוט ידין עמים במישרים׃

יהוה מלך תגל הארץ ישמחו איים רבים׃

יהוה מלך ירגזו עמים ישב כרובים תנוט הארץ׃

ידין בגוים מלא גויות מחץ ראש על ארץ רבה׃

ישמחו השמים ותגל הארץ ויאמרו בגוים יהוה מלך׃

ואשמע כקול המון רב וכקול מים רבים וכקול רעמים חזקים ויאמרו הללויה כי מלך אלהינו יהוה צבאות׃

כי עשית משפטי ודיני ישבת לכסא שופט צדק׃

כסאך אלהים עולם ועד שבט מישר שבט מלכותך׃

אהבת צדק ותשנא רשע על כן משחך אלהים אלהיך שמן ששון מחבריך׃

שיר מזמור לבני קרח גדול יהוה ומהלל מאד בעיר אלהינו הר קדשו׃

צדק ומשפט מכון כסאך חסד ואמת יקדמו פניך׃

היחברך כסא הוות יצר עמל עלי חק׃

על כן נקרבה בבטחון אל כסא החסד לשאת רחמים ולמצא חסד לעזרה בעתה׃

וארא כסא לבן וגדול ואת הישב עליו אשר מפניו נסו ארץ ושמים ולא נמצא להם מקום׃