שירו ליהוה שיר חדש שירו ליהוה כל הארץ׃

שירו ליהוה ברכו שמו בשרו מיום ליום ישועתו׃

הללו את יהוה כל גוים שבחוהו כל האמים׃

כי גבר עלינו חסדו ואמת יהוה לעולם הללו יה׃

הללו יה שירו ליהוה שיר חדש תהלתו בקהל חסידים׃

יהללו שמו במחול בתף וכנור יזמרו לו׃

ותען להם מרים שירו ליהוה כי גאה גאה סוס ורכבו רמה בים׃

שירו לו זמרו לו שיחו בכל נפלאתיו׃

ויאמר דויד לכל הקהל ברכו נא את יהוה אלהיכם ויברכו כל הקהל ליהוה אלהי אבתיהם ויקדו וישתחוו ליהוה ולמלך׃

ואמרתם ביום ההוא הודו ליהוה קראו בשמו הודיעו בעמים עלילתיו הזכירו כי נשגב שמו׃

צהלי ורני יושבת ציון כי גדול בקרבך קדוש ישראל׃

ואל תשתכרו מיין המביא לידי פריצות כי אם המלאו ברוח׃

והודו בכל עת על הכל לאלהים אבינו בשם אדנינו ישוע המשיח׃

תהלה לדוד ארוממך אלוהי המלך ואברכה שמך לעולם ועד׃

כי יהוה שפטנו יהוה מחקקנו יהוה מלכנו הוא יושיענו׃

גילי מאד בת ציון הריעי בת ירושלם הנה מלכך יבוא לך צדיק ונושע הוא עני ורכב על חמור ועל עיר בן אתנות׃

אז יאמר המלך אל הנצבים לימינו באו ברוכי אבי ורשו את המלכות המוכנה לכם למן הוסד העולם׃

וישימו את דבר אשמתו כתוב ממעל לראשו זה הוא ישוע מלך היהודים׃