ויהוה בהיכל קדשו הס מפניו כל הארץ׃

הס כל בשר מפני יהוה כי נעור ממעון קדשו׃

וידעו כי אתה שמך יהוה לבדך עליון על כל הארץ׃

דעו כי יהוה הוא אלהים הוא עשנו ולא אנחנו עמו וצאן מרעיתו׃

עתה ידעתי כי גדול יהוה מכל האלהים כי בדבר אשר זדו עליהם׃

היום הזה יסגרך יהוה בידי והכיתך והסרתי את ראשך מעליך ונתתי פגר מחנה פלשתים היום הזה לעוף השמים ולחית הארץ וידעו כל הארץ כי יש אלהים לישראל׃

ויהי בעלות המנחה ויגש אליהו הנביא ויאמר יהוה אלהי אברהם יצחק וישראל היום יודע כי אתה אלהים בישראל ואני עבדך ובדבריך עשיתי את כל הדברים האלה׃

ההצילו אתם אלהי הגוים אשר שחתו אבותי את גוזן ואת חרן ורצף ובני עדן אשר בתלאשר׃

רומה יהוה בעזך נשירה ונזמרה גבורתך׃

רומה על השמים אלהים על כל הארץ כבודך׃

לך יהוה הגדלה והגבורה והתפארת והנצח וההוד כי כל בשמים ובארץ לך יהוה הממלכה והמתנשא לכל לראש׃

עיני גבהות אדם שפל ושח רום אנשים ונשגב יהוה לבדו ביום ההוא׃

ושח גבהות האדם ושפל רום אנשים ונשגב יהוה לבדו ביום ההוא׃

ויגבה יהוה צבאות במשפט והאל הקדוש נקדש בצדקה׃

והתגדלתי והתקדשתי ונודעתי לעיני גוים רבים וידעו כי אני יהוה׃

וישירו את שירת משה עבד אלהים ושירת השה לאמר גדולים מעשיך ונפלאים יהוה אלהים צבאות צדק ואמת דרכיך מלך הגוים׃

מי לא ייראך יהוה ולא יכבד את שמך כי קדוש אתה לבדך כי כל הגוים יבאו וישתחוו לפניך כי נגלו משפטי צדקך׃