יהוה עזי ומגני בו בטח לבי ונעזרתי ויעלז לבי ומשירי אהודנו׃

יהוה אדני עז ישועתי סכתה לראשי ביום נשק׃

עזי וזמרת יה ויהי לי לישועה זה אלי ואנוהו אלהי אבי וארממנהו׃

וקוי יהוה יחליפו כח יעלו אבר כנשרים ירוצו ולא ייגעו ילכו ולא ייעפו׃

אך ביהוה לי אמר צדקות ועז עדיו יבוא ויבשו כל הנחרים בו׃

וגברתים ביהוה ובשמו יתהלכו נאם יהוה׃

סוף דבר אחי חזקו באדנינו ובעז גבורתו׃

כל זאת אוכל בעזרת המשיח הנותן כח בקרבי׃

אל תשליכני לעת זקנה ככלות כחי אל תעזבני׃

הלעולמים יזנח אדני ולא יסיף לרצות עוד׃

כי לא יטש יהוה עמו ונחלתו לא יעזב׃

ואתה שלמה בני דע את אלהי אביך ועבדהו בלב שלם ובנפש חפצה כי כל לבבות דורש יהוה וכל יצר מחשבות מבין אם תדרשנו ימצא לך ואם תעזבנו יזניחך לעד׃

אומרה לאל סלעי למה שכחתני למה קדר אלך בלחץ אויב׃