עבדו את יהוה ביראה וגילו ברעדה׃

ייראו מיהוה כל הארץ ממנו יגורו כל ישבי תבל׃

שרים רדפוני חנם ומדבריך פחד לבי׃

האותי לא תיראו נאם יהוה אם מפני לא תחילו אשר שמתי חול גבול לים חק עולם ולא יעברנהו ויתגעשו ולא יוכלו והמו גליו ולא יעברנהו׃

ויאמר לאדם הן יראת אדני היא חכמה וסור מרע בינה׃

אל תהי חכם בעיניך ירא את יהוה וסור מרע׃

בחסד ואמת יכפר עון וביראת יהוה סור מרע׃

מסלת ישרים סור מרע שמר נפשו נצר דרכו׃

רגזו ואל תחטאו אל תשקע החמה על רגזכם׃

אם זכרתיך על יצועי באשמרות אהגה בך׃

אזכרה נגינתי בלילה עם לבבי אשיחה ויחפש רוחי׃

נסו נא אתכם אם באמונה אתם בחנו אתכם או האינכם ידעים את נפשכם כי ישוע המשיח בכם אם לא כי נמאסים אתם׃

הרפו ודעו כי אנכי אלהים ארום בגוים ארום בארץ׃

ויהוה בהיכל קדשו הס מפניו כל הארץ׃

רבים אמרים לנפשי אין ישועתה לו באלהים סלה׃

קולי אל יהוה אקרא ויענני מהר קדשו סלה׃