כרע כאח לי התהלכתי כאבל אם קדר שחותי׃

מה תשתוחחי נפשי ותהמי עלי הוחילי לאלהים כי עוד אודנו ישועות פניו׃

רשת הכינו לפעמי כפף נפשי כרו לפני שיחה נפלו בתוכה סלה׃

סומך יהוה לכל הנפלים וזוקף לכל הכפופים׃

יגעתי באנחתי אשחה בכל לילה מטתי בדמעתי ערשי אמסה׃

כי כלו ביגון חיי ושנותי באנחה כשל בעוני כחי ועצמי עששו׃

אומרה לאל סלעי למה שכחתני למה קדר אלך בלחץ אויב׃

כי אתה אלהי מעוזי למה זנחתני למה קדר אתהלך בלחץ אויב׃

עיני דאבה מני עני קראתיך יהוה בכל יום שטחתי אליך כפי׃

קדר הלכתי בלא חמה קמתי בקהל אשוע׃

כסוס עגור כן אצפצף אהגה כיונה דלו עיני למרום אדני עשקה לי ערבני׃