למנצח משכיל לבני קרח כאיל תערג על אפיקי מים כן נפשי תערג אליך אלהים׃

כלתה לתשועתך נפשי לדברך יחלתי׃

כי הייתי כנאד בקיטור חקיך לא שכחתי׃

ותתעטף עלי רוחי בתוכי ישתומם לבי׃

פרשתי ידי אליך נפשי כארץ עיפה לך סלה׃

תעה לבבי פלצות בעתתני את נשף חשקי שם לי לחרדה׃

עששה מכעס עיני עתקה בכל צוררי׃

יגעתי בקראי נחר גרוני כלו עיני מיחל לאלהי׃

עיני דאבה מני עני קראתיך יהוה בכל יום שטחתי אליך כפי׃

עיני כלו לישועתך ולאמרת צדקך׃

ויונתן לא שמע בהשביע אביו את העם וישלח את קצה המטה אשר בידו ויטבל אותה ביערת הדבש וישב ידו אל פיו ותראנה עיניו׃

ויאמר יונתן עכר אבי את הארץ ראו נא כי ארו עיני כי טעמתי מעט דבש הזה׃

כלו בדמעות עיני חמרמרו מעי נשפך לארץ כבדי על שבר בת עמי בעטף עולל ויונק ברחבות קריה׃

נפלה עטרת ראשנו אוי נא לנו כי חטאנו׃

על זה היה דוה לבנו על אלה חשכו עינינו׃