למנצח על ידותון מזמור לדוד אך אל אלהים דומיה נפשי ממנו ישועתי׃

אז ידבר יהושע ליהוה ביום תת יהוה את האמרי לפני בני ישראל ויאמר לעיני ישראל שמש בגבעון דום וירח בעמק אילון׃

ויאמרו אליו מה נעשה לך וישתק הים מעלינו כי הים הולך וסער׃

קוה אל יהוה חזק ויאמץ לבך וקוה אל יהוה׃

למנצח לדוד מזמור קוה קויתי יהוה ויט אלי וישמע שועתי׃

אל תאמר אשלמה רע קוה ליהוה וישע לך׃

וחכיתי ליהוה המסתיר פניו מבית יעקב וקויתי לו׃

כי כה אמר אדני יהוה קדוש ישראל בשובה ונחת תושעון בהשקט ובבטחה תהיה גבורתכם ולא אביתם׃

טוב יהוה לקוו לנפש תדרשנו׃

טוב ויחיל ודומם לתשועת יהוה׃

כי עוד חזון למועד ויפח לקץ ולא יכזב אם יתמהמה חכה לו כי בא יבא לא יאחר׃

ואנחנו בעשות הטוב אל נחת כי נקצר בעתו אם לא נרפה׃

כי צריכים אתם לסבלנות למען תעשו רצון אלהים ונשאתם את ההבטחה׃

כי עוד מעט רגע והבא יבא לא יאחר׃

לכן אחי דמו והוחילו עד בוא האדון הנה האכר מחכה לטוב תבואת האדמה בהוחילו כי ירד עליה גשם יורה ומלקוש׃

אחי אל תתאוננו איש על רעהו פן תשפטו הנה השופט עמד לפתח׃

הנה מאשרים אנחנו את הסבלים את סבלנות איוב שמעתכם ואת אחרית האדון ראיתם כי רחום וחנון יהוה׃

לא על זבחיך אוכיחך ועולתיך לנגדי תמיד׃

כי קנאתי בהוללים שלום רשעים אראה׃

בעמל אנוש אינמו ועם אדם לא ינגעו׃

יצא מחלב עינמו עברו משכיות לבב׃

שתו בשמים פיהם ולשונם תהלך בארץ׃

ואמרו איכה ידע אל ויש דעה בעליון׃

אך ריק זכיתי לבבי וארחץ בנקיון כפי׃

צדיק אתה יהוה כי אריב אליך אך משפטים אדבר אותך מדוע דרך רשעים צלחה שלו כל בגדי בגד׃

מדוע רשעים יחיו עתקו גם גברו חיל׃

בתיהם שלום מפחד ולא שבט אלוה עליהם׃

ישלחו כצאן עויליהם וילדיהם ירקדון׃

יבלו בטוב ימיהם וברגע שאול יחתו׃

מה שדי כי נעבדנו ומה נועיל כי נפגע בו׃

כמה נר רשעים ידעך ויבא עלימו אידם חבלים יחלק באפו׃

אלוה יצפן לבניו אונו ישלם אליו וידע׃

כי מה חפצו בביתו אחריו ומספר חדשיו חצצו׃

זה ימות בעצם תמו כלו שלאנן ושליו׃

וזה ימות בנפש מרה ולא אכל בטובה׃

הן ידעתי מחשבותיכם ומזמות עלי תחמסו׃

הלא שאלתם עוברי דרך ואתתם לא תנכרו׃

מי יגיד על פניו דרכו והוא עשה מי ישלם לו׃

מתקו לו רגבי נחל ואחריו כל אדם ימשוך ולפניו אין מספר׃

אם עשק רש וגזל משפט וצדק תראה במדינה אל תתמה על החפץ כי גבה מעל גבה שמר וגבהים עליהם׃

כי אמר בכח ידי עשיתי ובחכמתי כי נבנותי ואסיר גבולת עמים ועתידתיהם שושתי ואוריד כאביר יושבים׃

ותמצא כקן ידי לחיל העמים וכאסף ביצים עזבות כל הארץ אני אספתי ולא היה נדד כנף ופצה פה ומצפצף׃

ועשה כרצונו המלך ויתרומם ויתגדל על כל אל ועל אל אלים ידבר נפלאות והצליח עד כלה זעם כי נחרצה נעשתה׃

וארא והנה אחד מראשיה כפצוע עד מות ומכת מות אשר לו נרפאה ותשתומם כל הארץ אחרי החיה׃

וינתן לה פה ממלל גדלות ונאצות ושלטן נתן לה להלחם ארבעים ושנים חדשים׃

וינתן לה לעשות מלחמה עם הקדשים ולנצחם ותנתן לה ממשלה על כל משפחה ועם ולשון וגוי׃

כל אשר אזן לו ישמע׃